[بتاال]

هذه محاورتي مع الشاعر طويق العجمي



بتاال الرشيدي

من هجوس الشاعر البيطار=يـاسـلام الله علانـيـه
بسري الليله على الشعـار=من وقف بخلـف هقاويـه

طويق العجمي

من هجوس الشاعر المغوار=مرحبـا رديـة ً ( حيّـه )
من تهقوى انه يشب النـار=مايتـوب الا مـن الكـيّـه

بتاال الرشيدي

البقا بعداد طيرن طار=والحسام يقص شبريه
بسم ربي مانطق الطار=بسم ربي نذبح الحيه

طويق العجمي

الجنايـز قدمهّـا قبـار=ماتروّح (طاق طاقيّـه)
بسم ربي نخالف الفكسار=لين يمشي شويّه شويّـه

بتاال الرشيدي

خابرين الحفر والحفار=والله انك كفو مع ذيـه
ذودكم ياهي سمان ابكار=درها مليـون بالميـه

طويق العجمي

لا تروغ امن الجموع يسار=شوشتك فـ/اليـد ملويّـه
الشجر دونه سيوف حرار=لا تمنّـا اتمـس قمـريّـه

بتاال الرشيدي

مانروغ وسيفنـا بتـار=نزرعه بالكبـده النيـه
استلمها بكبس الأنـوار=في حجاجك واعكس النيه

طويق العجمي

الجمل من ضربت المقوار=درهّـم فـ/علبـاه ماريّـه
قالو انه من( فريق اشهار )=قلت: يمكن؟ معه جنيـه.!

بتاال الرشيدي

الجمل يهدر وحول الـدار=لقـح الحمـرا العمانيـه
تعترف فيها بسبق اصرار=الله اكبـر يـاذرا الفيـه

طويق العجمي

الجمل درهم مع المحدار=والبكار فـ/شبك محميّه
والعمانيّه لأبـو عمـار=عمدتك لا ثارت الهيّـه

بتاال الرشيدي

الزعيم اللي معه مزمـار=شوش له وارقص بجنبيه
قالو الناقه تسوق احوار=قلت انا الناقـه جنوبيـه

طويق العجمي

انت مغتاض بترد الثار=شلتّك( شلة حونشيّـه)
مايصير اطمّر الدوار=به فلاشات ً مروريّـه

بتاال الرشيدي

ياعميلي ليه دمك (فـار)=نفرق الحسنه من السيـه
انت يصلح لك من الأدوار=دور لص مـع الحراميـه

طويق العجمي

يا جماعه الأزهر المكار=معه رجليـن أنتحاريّـه
لا مسكتّه حروة الصرار=طقّ من خط أبوّ حدريّه

بتاال الرشيدي

جيتكم مره على المسيار=لكن ابـا اكـرر الجيـه
يالصغير اللي جنوك اكبار=روح من ظمن الفداويـه

الموضوع الأصلي: محاورة الشاعر بتاال الرشيدي والشاعر طويق العجمي | | الكاتب: بتاال | | المصدر: شبكة بني عبس

[شآعر طرطنقي]

بتال هالمحااااااورة وين صارررررت في منتدى ولا حفلة ارجو التوضيح؟؟؟؟؟؟؟؟؟

صح اللسانكممم محاورة جدا جميله

[راعي الشلفا]

هالله هالله كفو يابتال وصح لسانك وصح لسان العجمي محاوره ناريه

ذودكم ياهي سمان ابكار
درها مليـون بالميـه

تقبل مرور اخوك : راعي الشلفا

[بتاال]

المحاوره بمنتدى العجمان


ولاهنت








على المرور تحياتي

بتاال

[عايض بن صالح]

الجمل يهدر وحول الدار

لقح الحمرا العمانيه

صح السانك وعلا شانك يابتال ولايهون الشاعرطويق العجمي

[سعد الفلاح]

صح أللسانك أخوي بتال وصح اللسان طويق طاروق أكثر من رائع

وتسلم يمينك على النقل

دمتم بود

[عبس404]

مشكور على نقل هذي المحاوره الرائع والله يعطيك العافيه

[بتاال]

مشكوووووووووووووووووووورين جدا جدا على مرورك الكريم


تحياتي

بتاال