[سعد الفلاح]

أحمد البويدي

كل ما شفت ا بن حيان وابو غريب=قلت وش جاب ظلع طويق للدبدبـه
أحترم صورته لكن وضعك عجيـب=مكسبك يا عميلي غير عن مكسبه

ابن حيان

لاتغارب ترى مافيه شـيً غريـب=اعجبتني وغير ي عالمـاً معجبـه
احترامك على راسي وجب ماتجيب=ويش يدريك عن وكره وعن منجبه

أحمد البويدي

إسمكم صار فوقه وانت شاعر واديب=كيف ماتستحي من لحيتـه واشنبـه
إن قريت آخر إسمي كان قلبك لبيب=تدري ابمنسبي وتعرف وش منسبه

أبن حيان

اذن المذن اوصليت قبـل الخطيـب=ماحتريت الاقامـه حيثهـا مؤجبـه
خير ياطير لو منسبك منسب عريب=الادب من صفات اهل الادب وحسبه

أحمد البويدي

إطلب الله يغفر الذنب والله مجيـب=ثم شف درب غير الدرب ذا واضربه
مختلفنا معك وابعدت وانتـه قريـب=إنزل امع الدرج دوبك عتبه اعتبـه

أبن حيان

الجهل وزدياد الشـك مالـه طبيـب=والدليل اخـر البرهـان والتجربـه
ام كلثوم اخذ جمهورهـا العندليـب=وانت فالوسط ماتمركز على المقضبه

أحمد البويدي

قالوا الذيب وينه قلت وسط الجليـب=جر صوته عوى لكن عـواه انكبـه
لاترخص مقامك وانت شاعر حبيب=صورتك تنكشف وتصير صاحب هبه

أبن حيان

الشبل في عرين ابوه والذيب ذيب=والعوى له ضروفه وكثر السر به
اللقافه تراها يابن الاجواد عيـب=لاتحرف كلامـي صـدق وتقلبـه

أحمد البويدي

انت رامي قضى محزمه عيا يصيـب=غابت الشمس والرماي فـي مرقبـه
يمكن انك بعد هاالقاف راسك يشيـب=وإن سلمت و مشيت تصير فيك احدبه

أبن حيان

الغراب اصبغو ريشه وعيا يطيب=باقي اسمه غراب اومخلبه مخلبه
تستشيط المعاني لين تملا الشعيب=ثم تملاه سيل ولاحـدر تشربـه

أحمد البويدي

انت حاشي حذفك الله بهرش منيـب=لو هدرت اووقفت اقصاك عند اركبـه
اقدم او مد كفك للعصـب والعصيـب=وارض في ماقسملك لو كسبت اعصبه

أ

الموضوع الأصلي: محاورة أحمد البويدي وابن حيان | | الكاتب: سعد الفلاح | | المصدر: شبكة بني عبس

[ابن حيان]

شكراً جزيل على التنسيق الرايع وصاحب القلم الرايع
والاحساس الرايع وتحيات

[ناصر خنيفر]

محاوره قيمه بين عالم الطب ابن حيان واحمد البويدي مشكورين ونشكر المنسق

[%القناص%]

محاورة رائعة بين احمد وابن حيان

ومشكووور اخوي سعد

وبانتظار ابداعاتك

[مبارك الشويلع]

السلام عليكم

وصح لسان الشعراء وبارك فيهم

ولاهنت يامشرفنا المتألق اخوي الغاالي و شاعرنا الجزل

سعد الفلاح

على هذا التنسيق الاكثر من رائع


ننتظر جديدك وجديد الشعراء

وننتظر جديدكم الجزل المفيــــــد

وفقكم الله

[سعد الفلاح]

اقتباس من مشاركة ابن حيان شكراً جزيل على التنسيق الرايع وصاحب القلم الرايع والاحساس الرايع وتحيات

أفا عليك يابن حيان انا حاضر بلي تبونه وماسوينا شي والعفو ياشاعرنا

[أحمد عبيد الهنيدي]

شكرا ً على التنسيق والأهتمام يالفلاح

تحياااتي لك

[سعد الفلاح]

اقتباس من مشاركة ناصر خنيفر محاوره قيمه بين عالم الطب ابن حيان واحمد البويدي مشكورين ونشكر المنسق

العفو يابوتركي ونورت الصفحه