[بدر البدور]

توك تجيني دمعتك وسط عينك=تطلب وتترجى زمان لنا فات
ما ينحسد موقفك..الله يعينك!!=بنت..تذلك لين هليت دمعات
ابسألك من قبل يومين وينك؟؟=اتعبتني بالصد وكثر المجافات
يا كثر ما ماتت اماني بيدينك=عد الأماني في سجل الوفيات
لو هي تكلم بالجريمة تدينك=تجي انا وياك ونعد الأموات؟
مات الغرام وعشق بيني وبينك=وماتت خطاوي الحب بآخر مسافات
بيدك تذكر يوم تقتل حنينك=وفي حق حبي ارتكبت الجنايات
ياكثر ما تخطي واقبل جبينك=وصوغلك الأعذار بأجمل عبارات
متوقعة بتمسح دموعي بيمينك=لين اكتشفت انك بليا مبالات
ليتك تحس اللي تحبه يهنيك=ماجيتني الحين وتهل عبرات
دور على غيري تعوض سنينك=انا تعبت أعد ربح الخسارات

بقلم اختكم/بدر البدور

الموضوع الأصلي: توك تجيني...!! | | الكاتب: بدر البدور | | المصدر: شبكة بني عبس

[الزعيتري]

ياكثر ما تخطـي واقبـل جبينـك
وصوغلك الأعذار بأجمل عبـارات


ماشاء الله الله يوفقك ابيات تشكرين عليها

يعطيك العافية وعيدك مبارك ان شاء الله

[مفلح الخضيري]

ابسألك من قبل يوميـن وينـك؟؟
اتعبتني بالصـد وكثـر المجافـات


صح السانك ومزيد من التأ لق تحياتي لك

ومن العايدين

[همس المشاعر]

افعلي ماشئتي به


ولكن الاهانه قد تعتبر احيانا من مسالك الحب



عبارات كل منها تغار من الاخري



ابيات فذه ذات طابع خاص جداّ


ابدعتي اختي الفاضله


ولكن هذا البيت هناك شئ ناقص لا يعرفه الا شاعره

ليتك تحـس اللـي تحبـه يهنيـك
ماجيتني الحيـن وتهـل عبـرات


اتمني لك مزيج من الابداع والتقدم


دمتي بود

[الســـامري]

مات الغرام وعشق بينـي وبينـك
وماتت خطاوي الحب بآخر مسافات
بيدك تذكـر يـوم تقتـل حنينـك
وفي حق حبي ارتكبـت الجنايـات
ياكثر ما تخطـي واقبـل جبينـك
وصوغلك الأعذار بأجمل عبـارات




صح لسانك يابدر البدور على هذه القصيده الرائعه ولاهنتي وسلكت يمينك وفي انتظار المزيد.........





الســـــــــــــــــــــــــــــامري

[الهنوف]

بدر البدور

صح لسانك يالغالية ويعطيك العافية ووفقك الله

دمتي بخير وود
اختك الهنوف

[عبدالرحمن عديهان]

قصيده رائعه بروعة إبداعك...


قصيده تستحق الإشاده بما فيها من حزن يدل على إحساسك....




الى الامام والله يوفق الجميع أختي بدر البدور....

[سالم الرشيدي]

صح لسانك ويعطيك العافيه


ولاهنتي علي القصيده الرائعه