[بنت النور]

سلام ياللي عيونك مكتسيها الهـدب=يالجادل اللي سهوم المـوت فـ هدابهـا
ياليتني في نحرها مثل عقـد الذهـب=الجادل اللي عقود المـاس تزهابهـا
صادفتها واضحكتلي عند ذاك العتـب=حول الدرج والسلالم تكـرب اثيابهـا
خشفٍٍ طعم ريقها مثل العسل لاانسكب=سبحان ربٍٍ رسمهـا داخـل اثيابهـا
الخد وردي وفيه من الزمـرد لهـب=وشفايـفٍٍ يابخـت منهـو تغذابهـا
مدري شفايف كرز ولا شفايف عنـب=مع سلسبيلٍٍٍ تسلسل داخـل اعذابهـا
ياويل منهـو دنـا ولا اليهـا قـرب=تجرح ضميره بنجلٍٍ تطعـن احرابهـا
جمالها من ولي العرش مصبوب صب=ياليتني من عربها واقـرب اقرابهـا
ماهي من اللي سراير زينهن فالعلـب=والشدو والمسكره ماهـي بتشقابهـا
بغيت اقبل ثغرهـا ميـر مالله كتـب=فـالسوق زحمه وصكت عني ابوابها
قالت لي احذر توقع لاتطيـح بمطـب=ترا المهبّــل عليـك اتحـدد انيابهـا
ثم قلت بالله ويش انتي من اية نسب=وكل السوالف علينـا هلـي اكتابهـا
قالت علامك تنشدني وويش السبـب=نشدتك هاذي باامانه وشهي اسبابهـا
ثم قلت ابكتب قصايد بالصحف والكتب=واشرح وصوف الدلع وامجد انسابها
قالت اهنيا توقف واضحكت في عجب=وقالت عياد السنه حذرا تجينـا بهـا
وقالت كأني لمحتك مع ضيوف العزب=وبيوت شعرك عن الكيكـه تغنابهـا
وتقول ياشاعر الكيكه طلبتـك طلـب=لاتخبـر النـاس بعلـومٍٍٍ هرجنابهـا
الناس مايرحمون الناس يابن العـرب=وانته علوم الوفـا يالغالـي ادرا بهـا
وتقول صبرك يالين ان الامن يستتب=لو تدري اعجيّـزي كـان ابتلشنابهـا
ثم قلت فيها عجايز حان وقت الهرب=قبل نذوق العصـاه اللـي تعصابهـا
قالت علامك ياعمري جاتك ام الركـب=وضيعت كل العلوم اللـي حكينابهـا
قالت ابي رقم جوالك وخلـك شنـب=تراك روحي لعبت بجملـة اعصابهـا
قلت ابشري يالدلع بس القلم ماكتـب=شافك وجاه البـلا وامـور يدعابهـا
وانا تكهربت قدامـه وهـو ماخـرب=ولا اللوم الاقلام لو ابدت لك اعجابها


شعر فلاح بن عريج

الموضوع الأصلي: مدرى شفايف كرز ولاشفايف عنب | | الكاتب: بنت النور | | المصدر: شبكة بني عبس

[العريض]

نقل رائع صح لسان شاعرها

وسلمت انامل نا قلها

بنت النور دمتي بحفظ الرحمن

[عاشق الصحراء]

صح لسان الشاعر
يسلموووووووووو على النقل تحياتي لك

[الســـامري]

بنت النور يعطيك العافيه على النقل وصح لسان الشاعر على هذه القصيده الرائعه........




تقبلي مروري





الســـــــــــــــــــــــــــامري

[بنت النور]

مشكور


اخوى


حجاج


العريض


مرورك

اسعدنى


تحياتى

[بنت النور]

مشكور


اخوى الغريب



تحياتى

[بنت النور]

مشكور



اخوى السامرى


تحياتى

[جروح الوقت]

ذوق راقى



من انسان


راقى


انتى


الااجمل


مشكورة