[همسه غلا]

(( في غيابك.. مـا لخلـق الله حضـور
.......................وفي حضورك.. ما لهم بالبال طـاري ))

للتميـــــز عنوانــــــ

وللإبــــــداع عنــــــفوان

والجميل لايقدم الا الجمال

الشاعر الغير عادي

( متعب التركي )

والذي نتمنى ان يكون بخير وسعاده

وأن يثبتــه على طاعتــــــه

وإحدى روائــــــــــعه

/
\
/
\
/
\
/
\
/
\

يا وسيع البـال .. ضيقـت الصـدور
.......................رحت ما علمتني وين انـت سـاري؟

في غيابك.. مـا لخلـق الله حضـور
.......................وفي حضورك.. ما لهم بالبال طـاري

ليـه مـا تختـال يـا بـدر البـدور
.......................و القصايد لك وصيفـات و جـواري

لـك بنـات الفكـر ربـات الخـدور
.......................يكشفن الثامهـن.. و الجـرح عـاري

جعل قلب مـا مـلاه الصـدق نـور
.......................عند وجه اريح.. مـا يلقـى مـزاري

التغاضـي عجـز لا طـال القصـور
.......................ليه أداري؟.. و انت عني منت داري؟؟

الزمـان قصيـر .. والدنيـا تــدور
.......................كل يوم يضيـق فـي عينـي مـداري

صاحبي محتاج لـك شعـر و شعـور
.......................و إحتياجي شي.. ما كـان إختيـاري

من متى و الغصـن يختـار الطيـور
.......................من متى و البـال يختـار الطـواري؟

لا تسمي صمتـي البـارح .. غـرور
.......................إنكساري خلف هالصمـت امتـواري

في غياب الشمس وش ذنـب الزهـور
.......................و المطر لا شح وش ذنب الصحـاري؟

اللقـا لحظـات و الغيـبـه شـهـور
.......................تقصر الخطوات و يطـول انتظـاري

لو قريـت المنكتـب بيـن السطـور
.......................ما كتبـت لغلطـة العمـر اعتـذاري

صمت هالمينا.. مثل صمـت القبـور
.......................ما رسى مركب.. ولا لاحت صواري

الموضوع الأصلي: ياوسيع البال | | الكاتب: همسه غلا | | المصدر: شبكة بني عبس

[سالم الرشيدي]

صح الساااان شاااااعرهااا

مشكوووووووره

على النقل الرااائع

[همسه غلا]

مشكووور على مرورك اخوي سالم

[الشقردي]

التغاضـي عجـز لا طـال القصـور
.......................ليه أداري؟.. و انت عني منت داري؟؟

اللله اللله صح لسان شاعرها وسلمت انامل ناقلها

[عبدالعزيزعلي]

:
:
صح اللسان الشاعرمتعب التركي
شاعرفي معنى الكلـــــــــــــمه
ويستـــــــــــــــاهل من ينقل له
:
يعطيك العافيه أختي همسة غلا
اختيارموفق وفي منتهى الروعه
:
ســـــــــــــــــــلمتي ودمتي
:
:
تحياتي
:
:
:

[عبدالعزيزعلي]

:
:
صح اللسان الشاعرمتعب التركي
شاعرمعنى الكلمه
وقصيده في منتهى الروعه
:
يعطيك العافيه أختي همسة غلا
على نقلها أختيار موفق
:
تحياتي
:
:
: