[البدر المهاجر]

اللي بقى لـي مـع الأيـام .. وفّيتـه
والضيق لو ينهمـر.. تشربْـه وديانـي
ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي
الخوف -واللي تطوف الخلق في بيتـه -
لاعشت زهرة شبابك وانت وحدانـي!!
كم جرح خذْته من الأحباب.. ضمّيتـه
وجروح قلبـي زكـاة لْحُـبّ خِلاّنـي
مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحال؟ مرّيتـه
مقرود؟ خِلقه ،، وإذا حرمـان؟ عدانـي
ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!
ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!
أزريـت لأنسـى غيابـه ليـن ناديتـه
والمـوت لامـن تجاهلنـي وجافـانـي
وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!
من كنت طفل ٍ وانا أرجـاه فـي بيتـه
شيّبت.. واثره علـى هالحـال خلانـي
[ياويل..ويلي] وانا لي قلـب ٍ أشقيتـه
لا صار مجني عليـه.. وصمتـي الجانـي
ياقلب صبرك .. تشوف الحال؟ حسيته؟
ماكان أفضل من اللي كـان بإمكانـي
لو بيّ قـوه علـى الهجـران؟ خليتـه
لو بـيّ ذره مـن النكـران؟ يفداااانـي
الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحدانـي

الموضوع الأصلي: الجرح أرحم .. | | الكاتب: البدر المهاجر | | المصدر: شبكة بني عبس

[عبدالعزيزعلي]

:
:
صح السانك أخوي البدرالمهاجر
:
قصيده في منتهى الروعه والجمال
:
يعطيك العافيه وننتظرجديد
:
:
تحياتي
:
:
: