[بن صالح]

يا ظبي يا وضيحي يا سقم القلوب = أنت كل مافيك أحلا من الحلا
في قلبي لك أوطان وأحاسيسي شعوب = يا حلو يارايق يا ريم الفلا
من قال لك : يا أحلى البشر ماهو كذوب = فلة حجاجك ترى تجلي البلا
لا غابت الشمس و أعلنت وقت الغروب = القمر ياتي ويناظرك بغلا
تعال يالغالي وعروقي دروب = وادخل القلب ويا أهلا ومسهلا
تمشي من الرقة كنك امغصوب = وبيرق غلاك بين البيارق اعتلا
نوبن ألاعبك و أحضنك بالحضن نوب = حبك بلية والقلب مسكين ابتلا
قلبي عن العشق لا والله ما يتوب = ويكن للمعشوق تقدير وولا
عينن كل من شافها لازم يذوب = ياذوق عينك مثل ريم الفلا
يا ظبي يا وضيحي يا سقم القلوب = أنت كل ما فيك أحلا من الحلا

وسلامتكم

الموضوع الأصلي: يا سقم القوب | | الكاتب: بن صالح | | المصدر: شبكة بني عبس

[مرزوق العجوني]

صح لسانك اخوي ابن صالح

[بن صالح]

صح بدنك
ومشكور على المرور

[مسندالعويمري]

صح اللسانك أخوي ابن صالح

:
قصيده جزله وفي منتهى الروعه
:
يعطيك العافيه ونتظرجديدك
:
تقديري واحترامي لك