[الكرزالرشيديه]

السلام عليكم ورحمة الله وبركاته
أكيد كل وحده منكم انتوا يالمتزوجات مرت ببعض المواقف في السنه الأولى من الزواج..
هذي بعض المواقف إللي صارت لاخواتنا في الله..

اولا
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

ثانيا
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها

ثالثا
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه

رابعا
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

خامسا
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!

سادسا
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتهاوعليكم السلام ورحمة الله وبركاته

الموضوع الأصلي: اضحكووووا مع المتزوجون | | الكاتب: الكرزالرشيديه | | المصدر: شبكة بني عبس

[شــهـــد]

هههههههههههههههههههههههههههههههههههههههههههههههههه هههههههههههههههه
هههههههههههههههههههههههههههههههههههههههههههههههههه ههههههههههههههه

اما اللي ماسكه الدجاجه وتقول مو جوعانه .. وربي مو قادره اتخيل شكلها من جد فشله ..

والاخت اللي شعرها مو ناعم << تفكر كيف كانت الصدمه بالنسبة لزوج خخخخخخخخخـ
الله يهديها بس فيه شي يسمونه ( فرد شعر )

.
.

الكرز الرشيديه

( جعل صوآبعك ما يمسها النار قولي آمين )

وسعتي صدري الله يسعدك ..،

.
.

[الكرزالرشيديه]

اختي احلى رشيديه
اميييييين هههههههه مشكووره يالغاليه
وجعل سعة الصدر دوووم يارب
تسلمين على الرد الاكثر من رائع

[عبدالعزيزعلي]

*
*
والله مواقف من جدمضحكه ومحرجه
*
*
تسلمين الكرز ضحكتيني الله يسعدك
*
*
اختي أسلوبك نفس الأخت شهاليل الغرام
*
ممكن احصل أجابه
*
*
تقديري

[الكرزالرشيديه]

اخوي ابو جلوي
مشكووووور ودوم السعاده ان شاء الله
وبالنسبه لتشابه اسلوبي مع اختي شهاليل
انا ماانتبهت لاسلوبهااا بس اذا كان فيه شبه
برجع اقرا لهاااا احس اني حبيتهااااااا
ههههههههههههه
مومشكله يكون فيه تشابه بالاسلوب
المهم يكون محترم وحلوووو

يسلمووووو على المرووور

[العريض]

اقول والله انك فضحتي بالعالم الله يهديك يالكرز الرشيديه


ههههههههههههههههههههههههههههه

من جد مضحكه

ثكراً لك تيحاتي

[الكرزالرشيديه]

اخوي حجاج العريض
امين الله يهديني ههههههههههههه
دووووم الضحكه اخوي يسلمووو على المرور

[ماجد الذيابي]

خخخخخخخخخخخخخخخخخخخخخ والله مواقف مظحكه