[عبيد الله دعيع]

أخواني أخواتي الأعزاء أنقل لكم هذه القصيدة للشاعر/عبيدالله دعيع الرشيدي واللتي القاءها بالحفل اللذي أقامه الشيخ/سرهيد آل عمير....وهي أهداء مني إليكم يابني عبس تستاهلون كل خير أرجو من الله أن تنول أعجابكم ولكم الود

سـلام ياخـادم البيتيـن والأمّـه=سلام ياسيـدي سلطـان وأخوانـه
سلام يأمير حائـل والنظـر يمّـه=سلام يا نائـب الأميـر واعوانـه
أمير حائل سعـود وبالغـلا ضمّـه=حتى لبس فوق راس العز تيجانـه
يا ملوكنا اللي سكنتوا عالي القمّـه=سجل لكم صفحة التاريخ عنوانـه
الياورتوا شربتوا صافـي الجمّـه=يوم أن بعض الكبود تموت عطشانه
عيال عودٍ حكم لـم الوطـن لمّـه=بالحق والعـدل قـوى الله بنيانـه
عبدالعزيز البطل سم البطـل سمّـه=اللي تعلى سنـام المجـد سلطانـه
صقر الجزيرة ونصر الدين هو همّه=عساه في جنة الفردوس مسكانـه
نهدي لكم عودٍ أزرق ما حلى شمّه=ساقه قصيد الرشيدي فاح ريحانـه
الطيب خال الرشيدي والوفاء عمّـه=وأبوه ساس الكرم من ساس جدانه
فيه المرؤه رضعها من حليب أمّـه=حتى كبر بالمرؤه وأعتلـى شانـه
مافيه عبسي خرج عن طاعة إلامّه=ولافيه عبسي سمعنا خان بإيمانـه
الدين يفديه في روحه وفـي دمّـه=ويفدي مليكه ويفدي تربة أوطانـه
بالحرب تلقى الرشيدي عالي الهمّه=فعله يبرهن لامـن طـب ميدانـه
من شأن دينه يموت الموت ماهمّه=يفرح صديقه ويزعل كـل عدوانـه
كل القبائل لفعـل الطيـب منظمّـه=أفعالهـم دائمـاً جزلـه وماليانـه
يوم أن بعض الأوادم مالهـم ذمّـه=خانت عهود الله المعبود سبحانـه
اللي يخون الوطن والديـن لاذمّـه=أطعن جنابه وجود حلـق شيطانـه
وأقول سبع الفواسق فيك يالرّ مّـه=يا خاين الدين موت النفس منهانه
السيف الأحدب لرأس مضيّع اليمّـه=يشيل من خان دينه والوطن خانـه
أقولهـا أمامكـم والنـاس ملتمّـه=من شاعرٍ صدق قلبه قاله لسانـه
وأختامها لأبو متعب قائـد الأمّـه=تحيه الديـن والأسـلام وأركانـه

الموضوع الأصلي: سلام ياخادم البيتين | | الكاتب: عبيد الله دعيع | | المصدر: شبكة بني عبس

[عبدالعزيزعلي]

*
*
صح اللسان الشاعرعبيدالله دعيع
*
*
ويعطيك العافيه الخيال على النقل الرائع

*
*
تحياتي

[عبيد الله دعيع]

صح بدنك شاعرنا الرائع/أبو جلوي أسعدني مرورك وتواجدك الجميل أسعدك الله دائماً تقبل مني خالص الود

[عبيد الله دعيع]

أخي العزيزالشاعر /راشد رباح أشكرك جزيل الشكر على تثبيت القصيدة جزاءك الله ألف خير
كما أسعدني مرورك ومتابعتك حفظك الله من كل مكروه تقبل خالص التحية وأزكاء السلام

[هـآوي]

صح السانك ولسان الشاعر عبيد الله الدعيع

على هذه القصيده الرائعه

[عبيد الله دعيع]

صح بدنك الهآوي أسعدني مرورك وتشرفت بذالك يالغالي

[ثاري الشنيني]

صح السانك ولسان الشاعر عبيد الله الدعيع

على هذه القصيده الرائعه

[عبيد الله دعيع]

أخي ثاري الشنيني صح بدنك أسعدني تواجدك ومرورك الرائع لك خالص المودة