[عبدالله ربيع]

تخوفني مشاوير الطريق المظلم المهجور
والي مني ذكرتك قلت طولي يامشاويري

عزاي انك رجاي العذب لو كل الدروب عثور
وصلت او ماوصلت اعرفك مانته منتظر غيري

حبيب وكل الله .. لاتحسب اني بليد شعور
لو انت المستحيل الصعب مابدي لك معاذيري

احبك رغم تجريح الليال .. لقلبي المقهور
اشوف الجرح يكبر .. وانت تكبر وسط تفكيري

احبك لو يموت الحب .. وتصير القلوب قبور
احبك كلمة .. لو حرموها حل تفكيري

احبك من هنا حتى طلوع الفجر حد النور
صحيح انك قدر محتوم بس اجمل مقاديري

بعذر اللي يحبك لو يصير الشاعر المشهور
لانك تنهمر حلو القصيدة في تعابيري

احد ربي يحطك له حبيب .. وما يجيه غرور
وانا مهما بغيت استوعبك ياقل تقديري

هلا بك من قدمك لغرتك .. لشعرك المنثور
هلا في كل شئ فيك وانت اغلى مساييري

اثر صدق الغلا يجبر حطام الخاطر المكسور
وانا مهما منحتك من غلاي .. اشعر بتقصيري

ولو طالت مشاوير الطريق المظلم المهجور
انا لامن ذكرتك قلت .. احبك يامشاويري

الموضوع الأصلي: ....مساعد احبك لو يموت الحب ... | | الكاتب: عبدالله ربيع | | المصدر: شبكة بني عبس

[فيصل الرشيدي]

تسلم على النقل ,,, وصح لسان الشاعر ,,,

ربي يوفقكم

[عبدالله ربيع]

تسلم على المرور ويوفقك انت ان شاء الله

[احمد سعود]

تسلم يمينك
وصح للساااااااااااااااان البطل والشااااااااااااااااااعر
محبكم

[عبدالله ربيع]

صح بدنك والله يوفق الجميع لما يحبه ويرضاه

[ابن رقعان]

صح لسانك وتسلم

[هداج]

تخوفني مشاوير الطريق المظلم المهجور والي مني ذكرتك قلت طولي يامشاويري

صح لسان الشاعر


ولا هنت على النقل

[ذرا عبس]

صح لسانه ولسانك
ولاهنت يابوربيع