[خالد الداموكي]

منيف المنقرة

مرحبا عند ربعي مزبنبن الدخيل = ربعي اللي تعز الراس وقفاتها
بعدها يالرشيدي وش تحط وتشيل = كل حاجه تراها زين باوقاتها

ناصر مرسال

البقى والعرب ماذكر فيهم بخيل = وانت من عالمٍ ياطيب نياتها
مانقصنا كثير ولا نقصنا قليل = والعلوم الجزيله كلها هاتها

منيف المنقرة

ارعدٍ المراعد والمخايل تخيل = وانت ياطيب نيتكم بغراتها
والله اني لاعالج كل قلبٍ عليل = دقت الساعه وتوحون دقاتها

ناصر مرسال

ارعدت وامطرت والسيل يلقى مسيل = ياعساها تحشد الترك قواتها
نعرف الآدمي مايصنع المستحيل = والعرب ماتخرع الناس باصواتها

منيف المنقرة

لوغزينا على السلمان تفزع هذيل = االرجاجيل مبطي هذي سواتها
خابرٍ ناصرالمرسال شاعر حليل = يتبع البدو ويدوّر لبن شاتها

ناصر مرسال

اعلن الحرب وتعرف البطل والذليل = وانتبه من بلا بقعى وصكاتها
وانت وسط الدواير ماتفك الشليل = والعرب يمكم ياكثر نظراتها

منيف المنقرة

لانزلنا عليكم ولمو للرحيل = حاجتن طبع باحياء الناس وأمواتها
الدليله غدى نحتاج واحد دليل = والعرب مانكبها غير هقواتها

ناصر مرسال

ان حفرت القبور اللي عليها النثيل = الجنايز تقدم لك تحياتها
لاتعذرب بطعم الهيل والهيل هيل = اقتدو بالرجال وسوو سواتها

منيف المنقرة

انت يامكلم الموتى ياراع الاصيل = العرب لاكذبت تنشاف كذباتها
قرّب النار ياناصروشب الفتيل = الرجاجيل خربانه علاقاتها

ناصر مرسال

تحسب الذيل راس وتحسب الراس ذيل =مانحسد اليمانيه على قاتها
شبّت النار شبّت وانت ليلك طويل = أم حيلات ماتنجح بحيلاتها

منيف المنقرة

ماسمعنا هدير ولا سمعنا صهيل = غير كويه بجبهتها وعلباتها
والله اني ماثوّر بالقطيع الجفيل = حافظٍ بندقي واعرف زماتها

ناصر مرسال

انت عادل وحقّاني وهرجك جزيل = شاهدة كويه العلباه بمراتها
من يقول المربع يشبه المستطيل = لاتغرّ العرب وتقل هوماتها

منيف المنقرة

لو حسبنا لها بالخط ستين ميل = كل من لحقها في دربها فاتها
تو حمل الجمل شقران توه يميل = وانا ماقول حاجه غير بثباتها

ناصر مرسال

زوّد الكيل ياكيال ياللي تكيل = ليلتك خرمسيه عد ساعاتها
ماتميل الرجال وعمرها ماتعيل = والمساكين تخطي درب سكاتها

منيف المنقرة

من ورى حقل هجره يعرفوها حقيل = تختلف في مناظرها وعلاماتها
ابرهه لوغزى راكب ثلاثين فيل = ناكبه ربنا بالطير وسواتها

ناصر مرسال

من ورى حقل غزّه والبلح والخليل = كان ضلعك متين انطح معداتها
ياعميا انتبه تنقص حقوق العميل = شفت الارض ارصفتها كبر صباتها

الموضوع الأصلي: محاورة جديده المرسال والمنقره | | الكاتب: خالد الداموكي | | المصدر: شبكة بني عبس

[فيصل الرشيدي]

تسلم يمينك على النقل الرائع لمحاورة جمعت اثنين من عملاقة الشعر ,,,


لله درك ولا تحرمنا جديدك ,,

[شآعر طرطنقي]

شكرا على المحاورة لعمالقه الشعر

[سلمان]

ان حفرت القبور اللي عليها النثيل...........................الجنايـز تقـدم لـك تحياتـهـا

هههههههههههههههههههه

هذي البيوت وإلا فلاااااااااااااااا


مشكوووووووووور ياخاااااااااااااااااااااااالد

[عبدالباري عبدالعزيز]

تحسب الذيل راس وتحسب الراس ذيل>>>مانحسـد اليمانيـه عـلـى قاتـهـا
محاورة رائعة جداً
صح الله لسانك ياشاعر الجماهير والشاعر منقره
مشكور على النقل يالدامووووووووووكي
تقبل شكري

[سعد الفلاح]

شكرا لك اخوي خالد على هاذا النقل المميز وصح اللسان المنقره وللسان ناصر مرسال

واسمحلي بنقل الموضوع الى مكانه الصحيح
(((المحاورات المنقوله))

دمتم بود

[ابو براك الرياض]

يعطيك العافيه

[خالد الداموكي]

اقتباس من مشاركة فيصل الرشيدي تسلم يمينك على النقل الرائع لمحاورة جمعت اثنين من عملاقة الشعر ,,, لله درك ولا تحرمنا جديدك ,,

شكرا المراقب فيصل على المروروالتعديل على المشاركه الله يبيض وجهك