[فواز الدواي]

هذا ردي على الشاعر محمد بن الذيب والشاعر مانع بن شلحاط والشاعر عبدالله بن عبيان اليامي

بيض الله وجيهم عندم نظم الشعار الثلاثه الكبار قصايد في قبيلة بني رشيد

بالحقيقه كل واحد منهم يستاهل قصيده

لكن جمعت هذه الأسماء اللامعه بقصيده وحده كونهم من قبيلة واحده قبيلة (يام) العريقه



ولا يستغرب الطيب من اهل الطيب

لكم كل الشكر والتقدير والأحترام

خط القلم بالحبر حلو المكاتيب = وانا قلمي متميزٍ ( بين الأقلام )
(عادل) ولا يكتب خرافه وأكاذيب = الكذب والتحريف سلمٍ للأقزام
أأدب المعنى والأفكار تأديب = تاديب خيالٍ على الخيل ضرغام
من صغر سنه بين علمٍ وتدريب = تدريب شيبانٍ لهم سيف وحزام
حتى كبر وأصبح يخوض المصاعيب = ماهمته سود اليالي والأيام
(ياصفحة التاريخ ) بمدح هل الطيب = وابصملهم بصمه شريفة بالأبهام
سلام يالعجمان وهلا وترحيب = بولاد ( مرزوق ) وسلايل ظهر يام
سلامن احلا من حلا المسك والطيب = والورد والجوري بهبات الأنسام
من بعدها بجيب وجيب وجيب = سيرة هل الطولات من ماضى الأعوام
ابتطرق للسيوف المحاديب = وراكان يوم ان البطوله لها وسام
راكان بن حثـــلين ستر الرعابيب = شيخٍ خذا بين العرب سبعة (انعام )
اهل البيارق في رصاص ومشاعيب = واهل اللحا والدين لاصف الأسلام
رجالهم مثل ( الصقر بالمواجيب = نزرن على الماجوب فزاع لا قام
هذي شهادت حق فيهم وتجريب = ان جيتهم كنك على راس الأهرام
لعب لعبوه وكلبوهم لواعيب = فطاحلت شعار ونفوسٍ اكرام
(مانع ابن شلحاط ومحمد الذيب )= (وعبدالله عبيان) شاعر ومقدام
شعار ورجالٍ تجيد الأساليب = اعلام شعريه ترفرف بالأعلام
غنو قصيد وعلمو المناديب = سمعتهم وازريت بالنوم لانام
يشيش راسي والحشا به لواهيب = الطيب يجزا طيب والزود قدام
لاشك مامن شك فيهم ولا ريب= ساقتني النخوه من الشرق للشام
(قبيلتي تشره علي بالمطاليب = من غير عشقٍلي لها عشته اعوام
رد الكرم لهل الكرم ماهو صعيب = من قاد ذوده ربعي تجيه درهام
ربعى (هل العطفا) بيوم المشاريب = تشرب سلايل عبس ورجالها كعام
بالعاديات الموريات المهذايب = (دعجان ) لامنه غدى ضيق وزحام
بندق مراجلنا تصيب الهدف صيب = تاريخنا ويا ملوكٍ وحكام
وخو ينا ماكنه امن الأجانيب = (خوة رشيدي ) تمنع الصاحب يضام

الموضوع الأصلي: بولاد مرزوق وسلايل ظهر يام ) | | الكاتب: فواز الدواي | | المصدر: شبكة بني عبس

[حــزام]

بيض الله وجهك اخوي الشاعر راعي العوجا
فواز الدواي
جملت لابتك في ردك
والجزلة متعودينها منك وتفرض نفسها
صح السانك
ولاخلا ولاعدم

[سالم الرشيدي]

صح السااانك

وبيض الله وجهك


ياراعي العوجا


قصيده جزله بمعني الكلمه

[ابوفهد]

صح لسانك وبيظ الله وجهك

[عيسى المويسه]

صح السانكـ يابومحمد

ويستاهلون المدح رجال يام

ولاهنت ..

[هـآوي]

الله الله على الا بداع

بيض الله وجهك ويستاهلون المدح اعيال يام

[فهد المويسه]

بيض الله وجهك يا راعي العوجا على القصيده الجزله

وهذي من عوايدك يا بو محمد

وصح لسانك

وتقبل سلامي

[مرزوق العجوني]

صح لسانك يالذيب وبيض الله وجهك ولا قصرت وتقبل مروري وتقديري