[الراسى]

السلام عليكم ورحمة الله وبركاته

جبت لكم قصيدة عجبتني فحبيت انقلها لكم


البشر فـي الاتصـالات يخطـون
يخطون واخطي.. عذرنا هاتف فلان؟؟

ومن عادتـي ماهتـمّ باللـي يقولـون
من غلط في رقمي .لقى الردّ غلطـان

الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان

فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت محمد؟ قلت: ايه بالعون.
لعيونك.. اسمي محمد لو كان ضيـدان

قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان

بالهـون يابنـت الاجاويـد بالـهـون
من عـادة الانسـان يرتـاح لانسـان

تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان

انا عبدالله.. وافـي الهـرج مـوزون
اوزن كلامي.. قبـل اقولـه بميـزان

وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان

وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان

وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران

هذي وصوفي .واكثرالنّاس يشـرون
وانتي عليـك اليـوم تقديـر الاثمـان

قالت :اشوفك قمـت ياعبدالله تمـون
تضحـك وضحكتهـا تقاسيـم فـنّـان

قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان

ترى الميانه شـيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستـك بيـن شيبـان

ياعبدالله .اسمع كلمة البنـت رنون
اسلوبك ووقتك.. مضت دونها ازمـان

هـذا زمـن قدواتـه افـلام كرتـون
وهذا زمان ارجالـه اجسـاد وابـدان

قالت.. وغنّت لي على وقتـي لحـون
قلت: اسكتي من بعد ماخاطري شـان

انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان

ضاقت ...وخلـق الله دايـم يضيقـون
وانا قفلـت الخطّ..ضايـق وزعـلان

ونسيت.. والاجواد في الوقت ينسـون
ماسـمّـي الانـسـان الاّ بنـسـيـان

المشكله..بـنـات حــوّا مايسـلـون
دقّت علـي وانـا لهـا شبـه شفقـان

قبل آآتكلّم.. قالـت: اسمـع ولاتهـون
اسمي مهو ريناد.. حان الصدق حان

الاسم فجر وآخـر الجـدّ مصيـون
مهـره ولا طوّعـت بلجـام وعنـان

قلت: ارحبي مليون تضـرب بمليـون
اقولهـا مليـون مـن قلـب ولسـان

قلت: ارحبي في العين ..ولحافك جفون
وظلالك من الشمس باهـداب الاعيـان

ياعيـن حـر ٍ بالمطالـيـع مفـتـون
حر ٍ شـراه مولّـع الصيـد طربـان

وسلامتكم

الموضوع الأصلي: قصيدة في بنت غلطانه في رقم الهاتف | | الكاتب: الراسى | | المصدر: شبكة بني عبس

[شهاليل]

الــــراسي سلمت يمينك ع النقل
قصيـــده حلووووووووووووه
تقبل مروري

[احمد سعود]

الراسي صح لسان قايلها وسلمت يمين اللي نقلها
تقبل مرور محبكم ,,,,,,,و

[العريض]

الراسي



يعطيك العافيه على اختيارك الرائع

واللذي يدل على ذوقك الراقي

تحياتي لـــــــــــــــــــــــــــــك

[عبد المجيد الرشيدي]

مشكورررررررر على القصيده

[الراسى]

شهاليل
تسلمي اختي انتي الابداع
جمال حضورك اسعدني
واثلج صدري لكي كل الشكر والتقدير لحضوركِ اللطيف
لك باقة من النرجس الحالم

[الراسى]

اخي احمد سعود
مرورك اعتز به دوم
وجمال حضورك يثير مابداخلي
كلماتك تجاهي جميله
من جمال روحك
سلمت على مرورك الجميل
يعطيك الف عافيه

[الراسى]

اخي حجاج العريض
ياجمال حضورك البهي

اسعدنَي حيل تواجدك وكلماتك الرائعه

يعافيك ربي يابعدهم

على بصمتك الراقيه

لك تحيـــــــــــــــــــــــــــــــــــــــــــــــ اتي