[ولــد خــلف]

منك الصوت يا نادر لاهنت يا ياصاحبي

ومني الصدى تقبلوه كمـــــا هـــو وسمحوا

لـــي على القــــصــور ..

يانادر مساعد ( جنون القدر ) هيــــك=وصاحبك رجالٍ بعيدٍ مراسه
ابعد من العصر ( الأشوري ) عن ( البيك)=وابعد من اسقاطات علم الحداسه
آخد ولااعطي بس لاجيت ابعطيك=العلم ... واعرف نضجته من يباسه
ماني لحالي وانت تدري وانا اخيك=بالتفرقه بالمجتمع ونغماسه
بأشياء سخيفه وانت ماهو بخافيك=( بمر الشيوخ ) و ( واسطات الدساسه )
اللي ضمايرهم على مدت الشيك=وبوسة يد الحاكم وكتفه وراسه
وإلا مبادئنا على حطت يديك=نموت والمبداء على ساس ساسه
حفظ القيم عادتنا دون تشكيك=مادامنا رمز الصبر والكياسه
واليا تعثر يا البناخي بناخيك=خذ في يده .. وسند وقوفه .. وواسه
لاتصير مثل اللي .... ( ولاني موصيك )=يجوع للهرج الردي جوع طاسه
ولاتقّرب من بعيد يالنادر اوحيك=صوتك يطير عن خفوقي نعاسه
خل المحبه للقلوب المشابيك=أهلاً هلا فيها ( نعيم ) و ( تعاسه )
الحب ( احلى شي ) لبيه لبيك=ياواصلٍ حبل الرجاء دون ياسه
عش في كياني جعل ربي يخليك=يامرتقي فوق الدنى والدناسه
يكفي وجودك في وإن مت يرثيك=قسيس شعري يا مليك القداسه
انتي مطر ورضي منابت مفاليك=وانتي وشاح الطهر وانتي لباسه
وقد قيل يالنادر ترى الحي يحييك=والميت يزيدك غبن ونعماسه
وان كان شعري مايفك الشبابيك=لابارك الله جزلها والسلاسه

الموضوع الأصلي: صدى قصيده الماسه لنادر بن مساعد .. ( جنون القدر ) | | الكاتب: ولــد خــلف | | المصدر: شبكة بني عبس

[مبارك الشويلع]

الله الله

صوت وصدى

ولا أروع

صح لسانك يابو خلف

ولاهي غريبه عليك هذا الابداع في بوحك الشعري

صح لسان بن مساعد على الصوت الراقي والجزل جداً

وصح لسانك على هذا الصدى الرائع والراقي جداً يابن خلف

ولازلنا ننتظر المزيد من الابداع الشعري وبوحك الراقي الذي يرتقي لسماء الشعر الشعبي

ننتظرر جديدك الجزل المفيد

وفقكم الله

[سهل الجنيني]

صح لسااااانك لاهنت

[فهد المويسه]

صح لسانك يا بو عايد

وقصيده جزله وصدى رائعه

وتقبل سلامي

[ابو براك الرياض]

يعطيك العافيه على النقل

[ولــد خــلف]

اقتباس من مشاركة ابوعبدالله الله الله صوت وصدى ولا أروع صح لسانك يابو خلف ولاهي غريبه عليك هذا الابداع في بوحك الشعري صح لسان بن مساعد على الصوت الراقي والجزل جداً وصح لسانك على هذا الصدى الرائع والراقي جداً يابن خلف ولازلنا ننتظر المزيد من الابداع الشعري وبوحك الراقي الذي يرتقي لسماء الشعر الشعبي ننتظرر جديدك الجزل المفيد وفقكم الله

ياهلا ووغلا ببو عبدالله وبرجال الهيئه

صح بدنــكـ ولاهنت على كلامك الطيب والمرور الكريم

وجزاك الله خير الجزاء

تقبل

مودتي

[مرزوق العجوني]

صح لسااااانك يابن خلف ولا هنت وتقبل مروري

[عبس404]

صح لسانك وقصيده رائعه وشكرا لك