[خالد العويمري]

اعلن الدفاع المدني بعموم المناطق عن تقديم وظايف عسكريه
طبعا بحكم ان العدد المطلوب قليل فأكيد الاستمارات راح تكون قليله مقابل الاعداد الغفيره من الجماهير

فكانوا متواجدين من حوالي الساعه 2 بالليل وكان فيه جمع غفير من الجمهور اللي لهم علاقه بالتسجيل واللي مالهم علاقه .. طبعا هذا الكلام في الشرقيه فما بالك بالمناطق الاخرى

انتظرالمتقدمون امام بوابه مركز التدريب الى الساعه السادسه صباحا فكان اللحظه الحاسمه بعد انتظار دام مايقارب الاربع ساعات متواصله في طقس من البروده قام الجمهور بكسر الباب

وهذي الصوره توضح بداية مداهمة البوابه وكسرها بالقوه بعد حصار دام اربع ساعات
وكان فيه تعليق طريف على عملية كسر البوابه زي ماتشوفون بالصورتين تحت

وهذي صوره توضح الغنائم بعد عملية كسر الباب ولو تلاحظون واحد بالصوره ماسك شماغ وتحته شماغ وماسك الجوال تراه يتصل على ولده وينشده عن نوع شماغه والولد يقوله شماغ العقل يايبه والوالد يقوله البسام بصمة 8

بعد عملية الهجوم المذكوره تم طلب دعم من قبل الدفاع المدني وجتك مجموعه من الجيوب اللي دخلت داخل الساحه

هذا واحد من العسكر استسلم للامر الواقع وجلس يحتسي كوب من الشاي بلا هم بلا وجع راس
ان شاء الله طول عمرهم ما انقبلوا وظيفتي ومضمونه

المهم واحد من الموجودين من لجنة القبول ركب له جيب وفتح المكرفون وقعد يتكلم مع المتقدمين ويطلب من الجميع انهم يجلسون على الارض ويقول الحمدالله الاستمارات ان شاء الله انها كافيه وعددكم وزياده والحمدالله انه عندنا تقنية متقدمه في عملية التسجيل امحق تقنيه يعني بتوزع الاستمارات بخرطوم
وبعد ساعتين من الحكي الطيب والزين جلس المتقدمين بانتظار توزيع الاستمارات ،، بعد ما حدد الاشخاص اللي بيوزعون الاستمارات مايمداهم يرفعون روسهم الا والعالم منهله عليهم ومزاحم وترجيف كل واحد يبي استماره وعادة عملية الفوضى وسوء التنظيم من جديد . الى درجه ان احد اللي يوزعون الاستمارات
رمى كل الاستمارات بالهوا وهرب من مكانه وبصراحه بعذره والله على الزحمه اللي صارت له
كل شي موضح عندكم في مقاطع الفيديو من خلال هذا الرابط استعرضوا الصور ومقاطع الفيديو
وطالعوا كيف عملية تنظيم التقديم للوظائف في الدفاع المدني وكيفية استخدام وسائل التقنية الحديثه
اللي يقول عنها الضابط ، وعلى فكره نفس الحركه اللي صارت بالدفاع المدني نفسها بعد في القطاعات العسكريه بالضبط ويمكن اعظم من كذا .. وسمعت واحد يقول ان التقديم بالرياض المتواجدين
فوق ستة الاف متقدم والمطلوب كله مايتجاوز الميه يمكن وتدخلت الجهات الامنيه من المرور والشرطه في تنظيم الجموع الغفيره هناك ..
الملف المضغوط يحتوي على 7 مقاطع فيديو
http://movie.abunawaf.com/2005/02/civil.zip
حجم الملف : 1 Mb
والسلام عليكم

الموضوع الأصلي: اقتحام مركز عسكرى سعودى من قبل العاطلين | | الكاتب: خالد العويمري | | المصدر: شبكة بني عبس

[وصل وقطاعه]

اخوي خالد مشكوووووووووووووووووور على الخبر
اتمنى ان اي واحد ماينقبل هنا انه مثلا الدفاع المدني يحول ملفه الى اي جهه اخرى حتى لو مدنيه
والله صعبه يكون الواحد عاااااااااااااااطل اعتبره مصيبه وكارثه0

[محمدالذيابي]

يعطيك العافيه أخوي خالد



الله يعينهم والله مصيبه


تقبل مروري

[سعد الشقل]

الله يعينهم

ويعطيكـ العافيه على الموضوع

[خالد العويمري]

اقتباس من مشاركة وصل وقطاعه اخوي خالد مشكوووووووووووووووووور على الخبر اتمنى ان اي واحد ماينقبل هنا انه مثلا الدفاع المدني يحول ملفه الى اي جهه اخرى حتى لو مدنيه والله صعبه يكون الواحد عاااااااااااااااطل اعتبره مصيبه وكارثه0

اخوى
يحول ملفه شلون ؟؟

هوا فيه وضائف مدنيه

البلد غرقانه اولا بالعماله الاجنيه المتسيبه
فاصيحو افضل من اهل الوطن نضرا لاعجاب الحكومه بهم
وبا ابناء الارض والوطن الذين لم يجدو وضائف

ولم تحل الدوله ما يسما بمشكله البطاله

الا بنضام الشعوذه
واضن انك تقصد الوضائف المدنيه نضام السعوده



هل تصدق ان مراكز القبول اثناء التقديم السنوى

فى حال استلامهم للملفات التى من شروطهم الشهاده الاساسيه

فى حال عدم القبول للمتقدم لا يسلمونه الملف الا بعد اقفال واغلاق طلبات القبول والتسجيل فى جميع مناطق المملكه حتى لا يا خذ الملف ويذهب الى منطقه اخرى فيجد من يساعده فيتم قبوله

لهاذه الدرجه وصلنا فقر حسب اعلان الدوله بطاله وفساد ادارى ومالى فى بلد المليااااااااااااااااااااااااااااااااارررررررررررر رررررررررررررررااات

اخوى وصل الف شكر لمرورك الرائع تقبل تحياتى

[سيف]

الله يعطيك العافيه

[هايم الذكرى]

مشكور اخوي

[الولد العبسي]

الله يعين

يعطيك العافيه