[عبدالله الشقل]

هذه المحاوره بين
الشاعر الكبير /خلف العتيبي
الشاعر الكبير / صياف الحربي

خلف
سلام ردية ماتبي المسرى تمسي وتصبح على حض راعيها
والــليلة اللـيلة اللـيلة اللــيلة نشري ونبتاع في دار اخو نورة

والملعبة كنها بنت ابن كسرى وان كـان كسرى لها جـد يحميها
يفـتك بنته بجــيشة واساطيـه يرفع على الصوت ويوضح الصورة
صياف
يامرحبابك علىالهون والعسرى ترحـيبة طـيبة وانـت تـوحـيها
الكيف يعرف وتعرف فناجيلة تـــشرب منه لــو يمنا مكسوره

يتزين مـدة يمينك مع اليسرى واهل الـــشرف ما تهدم مبانيها
اشهر بسيفك ليا قلت الحيلة نفــس تصفق لك ونفــس مقهورة
خلف
اعقيل من مصروالشام جو خسرى جـو عندنا بالخــسارة وطـاريها
ان غاب ابو فاطمة جاك ابوهيليه مصالح بـين الاثنــين مذخورة

قـوت العصافير ماتشبع النـسرى يا من يعـشي النــسور ويغديها
في ساعة يرجح الكيل بالكيلة معنا وراية هل الدين منصورة
صياف
اعقيل قامت ونامت علىالجسرى جــسر ليا جا تـه القــوم يفنيها
هــلل عليـهم ثـلاثيـن تـهلـيلــه تصبح ذنوبك من الرب مغفورة

فسر حديثك ترى بالعرب فسرى قــبل الشـعابـة حـول لواديــها
الخــط دونــه ثمانيـن تحويــلــه عشرة تشوتك مثل شوتة الكورة
خلف
لا تعلن الحرب وانته من الاسرى مافيه اسير حذف دلوها فيها
ابعد عــن الشر كله وغني له دار الغضب دب الايام مهجورة

حناهل العلم بالعسري واليسرى باول حـــياة الجــزيرة وتاليــها
من لا وعــى للمقابـيل ياويـلــه مــن حاجة تالي الليل مصرورة
صياف
والله لحسرك ياصاحبي حسرى تاخــذ مقا ضــيك والا تخليــها
لاشفت طرقي مع الدرب تومي له تضحــك وكـنك على نار تنـورة

حتى ذراعك نبي نكسره كسرى قـد ام تصـل الجمـاعــة وتوذيها
واصحيبك اللي تروح وتوصي له مثــبور حظــه ودنــياه مثبورة

هذه المحاوره
الشاعر الكبير: احمد الناصر الشايع
الشاعر الكبير: ناصر بن سرحان الشيباني

احمد الناصر:
ياسلام الله على من سمع صوتي سلام
....................................عد وبل المزنه اللي تلوح ردة ابروقها


في اللعب ماهي حلال ولاحرام
..................................حاليه في حال وبحال مر ذوقها
ناصر بن سرحان:
مرحبا بالصاحب اللي عرف وزن الكلام
..............................كامل بالعرف والناس دون حقوقها
من تعلم يابو ناصر عرف رد العلام
............................والبضائع كلها باعها في سوقها
احمد الناصر:
المعان الطيبه نورها يجلا الظلام
.........................والضعيفه تتعب الناس كثر افتوقها
كن لك من يوم فارقتنا عشرين عام
.........................طالت الغيبه واباانشدك ويش اوفوقها
ناصر بن سرحان:
انت راعي معرفه واللحم يكس العظام
......................وانظر اللي تحتها وانظر اللي فوقها
غيبتي عقبك جميله على عز ومقام
......................داله في ديرة طالع زملوقها
احمد الناصر:
نشدتني باللعب مالي بها قصد ومرام
....................عادة الشعار تمشي على طاروقها
يوم شفتك هل شهر الفطر عقب الصيام
...................تو كبدي يابن مشيب تلين اعروقها
ناصر بن سرحان:
حتى انا عقبك عيوني شقيه ماتنام
.................انت مابقت المعرفه وانا مابوقها
دام انا في ماقفي والفشق ملي الحزام
.................والمعرفه ينجح اللي يشد اسبوقها

هذى المحاوره جرت بين الشاعر الكبير صياف ابن عواد السحيمي الحربي(رحمه الله ()) والشاعر الكبير محمد بن شريف الجبرتي((رحمه الله))

الجبرتي:

سلام الله سلام ذا السنه ماهو سلام العام=سلام العام راح العام بين هناك وهنيه
أنا اشوف المعارض واقفه والزين ماينسام=سمعت أهل المعارض يشتكون من الشريطيه
صياف :
هلا مرحبا ترحيبتآ ترحيبها قدام=لو ان قلوبكم ماتت عصر واعيونكم حيه
كثير الناس يمشي فالطريق وحفرته قدام=ولا يدري عن الحسنه ولايدري عن السيه
الجبرتي:
أنا باغيك ياصياف لو أنك بغير اخطام=لكن ازحف وراك ولاتمش يديك بيديه
أعرف الحبحب الفاوي واعرف الخربز الشمام=وأبو خداش مشتالك معه دفعات روسيه
صياف :
تبا المطلاع راس الريع ليت الله عطاك عظام=نشيلك فوق راس الضلع بين الشمس والفيه
أشوف الناس تعطيك العمامه وأنت أبوعرام=وأبوعرام مايرتاح لين يحط طاقيه
الجبرتي :
دخيلك لاتخرب في بلدنا يافهد بلام=تخرب فالبلد وانته عليك صكوك شرعيه
يقولون العرب ماتلبس الا وارد البسام=تبيع وتشتري فالسوق هنديه ومصريه


وسلمتوا

الموضوع الأصلي: محاورات شعريه من الطرز الأول | | الكاتب: عبدالله الشقل | | المصدر: شبكة بني عبس

[سعد الشقل]

لاهنت يا ابو سرور على هالمجهود الطيب

[عبدالعزيزعلي]

لاهنت اخي سعدوتقبل مروري

[بحــ العرب ــر]

شكرا لك على نقل هذه المحاوره الطيبه وفعلاًمن الطراز الأول المتميز شكرا لك اخوي عبدالله مره ثانيه والي الأمام دائما وابداً ... ونتظر جديدك بفارغ الصبر

وتقبل تحياتي