[موسى بن سيار]

السلام عليكم ورحمة الله وبركاته


أخواني وأخواتي من زوار وأعضاء ومشرفين وإداريين أسعد الله أوقاتكم بكل خير ...


هذه القصيده لشاب رثى نفسة وتوفي بعدها بيومين إليكم القصيده ...




جاني وانا في وسط ربعي وناسـي
جاني نشلني مثل ما ينشـل النـاس

مني نشـل روح تشيـل المآسـي
تشكي من ايام الشقى تشكي اليـأس

اثر الالم في سكره المـوت قاسـي
ماهالني مثله وانا انسـان حسـاس

جابوا كفن ابيض مقاسـه مقاسـي
ولفوا به الجسم المحنط مع الـراس

وشالوني اربع بالنعش ومتواسـي
عليه ومغطى على جسمـي البـاس

وصلوا علي وكلهـم فـي مآسـي
ربعي ومعهم ناس من كل الاجنـاس

ياكيف سـوا عقبنـا تـاج راسـي
وامي الحبيبه وش سوى بها اليـأس

اسمع صدى صوت يهز الرواسـي
قولـو لهـا لاتلطـم الخـد يانـاس

قولولها حـق وتجرعـت كاسـي
لاتحترق كـل يبـي يجـرع الكـأس

اصبحت في قبري ولابـه مواسـي
واسمع قريع نعولهم يـوم تنـداس

من يوم قفوا حل موثـق لباسـي
وعلى رد الروح صـوت بالاجـراس

هيكل غريب وقـال ليـه التناسـي
صوته رهيب وخلفه اثنيـن حـراس

وقف وقال ان كنت يانمـر ناسـي
هاذي هي اعمالـك تقـدم بكـراس

ومن هول ماشفته وقف شعر راسي
وانهارت اعصابـي ولاارد الانفـاس

ياليتنـي فكـرت قبـل انغماسـي
بالغفلـه اللـي منتهاهـا للافـلاس

وفزيت من نومي على صوت ناسي
واصرخ واقول الموت وأحذر النـاس



توفي قائل القصيده بعدها بيوميـن فـي حـادث مـروري

الموضوع الأصلي: ((عبرة وعظة )) | | الكاتب: موسى بن سيار | | المصدر: شبكة بني عبس

[موسى الحمد]

مشكور على النقل
يا مبدع
ولا هنت

[رواية]

الله يرحمه ويرحم جميع اموات المسلمين
قصيده محزنه جدا ومعبره
الله يعطيك العافيه اخوي

[الســـامري]

الله يرحم شاعرها ويعطيك الف عافيه اخوي موسى على النقل الرائع ......... في انتظار جديدك...












الســــــــــــــــــــــــــــامري

[صالح الرشيدي]

شركراً على هالنقل الرائع
تحياتي

[موسى بن سيار]

اقتباس من مشاركة راشد رباح الله يرحم الشاعر وتسلم على الرايع بنتظار جديدك

اسعدنى مرورك وتسلم

[موسى بن سيار]

اقتباس من مشاركة موسى الحمد مشكور على النقل يا مبدع ولا هنت

[ابو براك الرياض]

لاهنت بيض الله وجهك