[(بعيد النظر)]

اخواني الأفاضل انقل لكم هذي المحاوره واتمنا

أن تعجبكم المحاوره بين شاعرين غنيين عن التعريف

راشد السحيمي والامبراطور ثنيان الرشيد ي وأتمنى أن تحوز على رضاكم وإليكم المحاورهـ:



ثنيان الرشيدي

مرحبا والله يحييكم على حشمه وشيمه= في محل أهل الوفاء والطيب من ماض الليالي
كان راشد صاحبي ماجود وعظامه سليمه= صوتوله قبل لايطيح الشماغ مع العقالي

راشد السحيمي

البقا ياللي عزمتونا ولبينا العزيمه = ماحلى دورتك يالفنجال مابين الرجالي
راشد اللي تطلبه واصلك يامال الغنيمه= وأنت صاحبنا القديم وحيلتي من دون حالي

ثنيان الرشيدي

بارك الله في رجال ما يحبون الظليمه = والوفاء من بينهم والهيل في صفر الدلالي
والله إنا مانطالع فيك بالعين الكريمه= أنت صحبنا الموسط لابعيد ولاموالي

راشد السحيمي

علم اللي مادرا حنا علاقتنا قديمه = يعلم الله ما يغير طبعنا سود اليالي
ياثنيان الجمال الكل معطيله خريمه= لايدركها الحديد ولايدركها الحبالي

ثنيان الرشيدي

الليال إ دور والدينا مشاكلها مقيمه= مير قلي يالسحيمي وش غدالك وش غدالي
أصبحت عوجا وعرجا مالها في السوق قيمه=نتفوها في الجنوب ونتفوها في الشمالي

راشد السحيمي

دارت الايام ماقدرت تطش شداد ريمه= ماغدا مني جنيه ولاغدا مني ريالي
مايصح إلا الصحيح ولاتضيع إلاالبهيمه= وأنت منته مكتمل لكن لله الكمالي

ثنيان الرشيدي

خمسه وعشرين في الشارع وعشره تحت خيمه=وإن نشدتك قلت لي مامن خطا ياهمالالي
والله إني لاتعب الأقدام وأفكاري حكيمه= والحلال اللي يطب النار ماهو من حلالي

راشد السحيمي

............................قالوله حريمه = وأنت رجلك طالعه بالشمس ماهي بالظلالي
إرتكبت مخالفه لكن تكفيك القسيمه= راس مالك لانقص لاتكمله من راس مالي

ثنيان الرشيدي

الحروب اثنين والاول على باب الهزيمه= وأنت يابو زيد عدوك الاجابه والسوالي
أنت عقبي صاير في المنطقه شيخ وصتيمه= مير لاقربت لك يصلاك في دنيا ك صالي

راشد السحيمي

مدحت الرجال في وجهه قريب من الشتيمه= إن بقت بيدين عمي وإن تعدت عند خالي

وسلامتكم

الموضوع الأصلي: طاروق ناري بين ثنيان الرشيدي وراشد السحيمي | | الكاتب: (بعيد النظر) | | المصدر: شبكة بني عبس

[بدر نوران]

لاهنت يابعيد النظر

.
.

تقبل احترامي

.

[صاحب المعالي]

الحروب اثنين والاول على بـاب الهزيمـه
وأنت يابو زيد عدوك الاجابـه والسوالـي
أنت عقبي صاير في المنطقه شيخ وصتيمه
مير لاقربت لك يصلاك في دنيـا ك صالـي
---------------------------------

لاهنت والله وصح اللسان الشاعر

[شاعر وضايق]

شكراً لك اخي الكريم على هذا المشاركة

[أنكسارحلم]

صح الله السان عمالقة الشعر ثنيان وسرور وراشد السحيمي

على هذه المحاوره الجميله في معانيها ومفرداتها


واشكرك جزيل الشكر على نقلها



تحياتي

[ابوصالح]

لاهنت يابعيد النظر

تقبل تحياتي

[مبارك الشويلع]

الف شكر على نقل هذي المحاوره ارئعه

سلمت يمينك يابعيد النظر

[بندر الذيابي]

مشكوووووووووووور اخوي بعيد النظر ولاهنت علي النقل



تحياتي


بندر