[مبارك الخميلي]

القلب هاضت هجوسه وانشغل باله=والعين هلت عباريها لغاليها
والنوم للعين عيا ماتهياله=سبة رساله لفتني صوب راعيها
قالت تملكت خل القلب في فاله=والحب الاول ترى ماعاد نحييها
ارجوك تمسح رسايلنا وجواله=تنسى جميع الغلا حتى لياليها
قلت ابشري ما طلبتي جاك مرساله=الروح والعين ترخص لو بغيتيها
لكن جروح الهوى والحب وافعاله=امنتك الله امانه دوم تطريها
القلب وده بحبك بس ما ناله=والروح يمك اقديها و وديها
ياقلب مدري شسوي عقب ترحاله=اكذب على النفس لامن قلت ناسيها
يالله طلبتك بعز الملك وجلاله=عسى السعاده لمحبوبي يباريها

الموضوع الأصلي: قالت تملكت | | الكاتب: مبارك الخميلي | | المصدر: شبكة بني عبس

[مبارك الخميلي]

الرجاء من الاخوان تنسيق القصيده لاني ما اعرف ولكم جزيل الشكر

[بنت العبسي]

قصيدة رائعة في الكلمات والمعاني

صح لسانك الله يجزاك خير

[ام جوانا]

صح لسانك قصيده جزله من رجل جزل وفالك التوفيق وتقبل مروري

[فهد المويسه]

صح لسانك يا بو خليفه

وقصيده جزله من شاعر جزل

وتقبل سلامي

[مرزوق العجوني]

صح لسانك يامبارك ولا هنت على الرائعه وتقبل مروري

[المقوعي]

واليوم بنت الناس في بيت رجال=وحبٍ على غير الشرف لي مذلة

صح السانك

والله يعوضك باللي تنسيك الماضي

لاهنت يا الخميلي

[مبارك الخميلي]

بنت العبسي صح بدنج ولا هنتي