[موسى بن سيار]

السلام عليكم ورحمة الله وبركاته


ااخووواني وااخوواتي أعضاء وزوار منتدى شبكة عبس الكراااام ... انقل لكم هذي القصيده وأتمنى بأن تحوز على رضاكم وهي للشاعر الغني عن التعريف وله باااع طويل بنظم و المحاوره الشاعر ..... عيسى عيد الرشيدي


ــــــــــــــــــــــــــــــــــــــــــــــــــ ـــــــــ البـــــر ــــــــــــــــــــــــــــــــــــــــــــــــــ ـــــــــــــــــ




اليوم أبا خذلي مـع البـر مطـراش
وشتـت همومـا تـدالـت علـيـه
كوده يبرد واهجن حـرق الجـاش
شمـت ذعاذيـع الفجـوج الخليـه
قلبي ليا شاف البلد صابـه اخـراش
عاف النسيـم وشوفـت القصيريـه
وده على خوة بعيديـن الاطـواش
واشرافـت المرقـاب لا مـال فيـه
وبعد صلاة العصر لا حطـو فـراش
وجيب القـدوع وساقـوا الشاذليـه
في وسط روضن مارعة فيه الادباش
ولاطبتـه غيـر الجـوازي رعيـه
يمطر عليه من امس والبارح ارشاش
هتاف ديـم وشمسـه اليـوم حيـه
وودي مع اهل الطيب مسرا ومغباش
اهـل الوفـاء والجـاه والغايريـه
رجالهم كنه علـى الطيـب يهتـاش
لا قلـة الحيـلات كـلـه حمـيـه
غير الوفاء والطيب والجود ماحـاش
على الوفاء لأنـه موصـا وصيـه
يجلس معاك وقلبه ابيض من الشاش
ذاك الخوي اللـي عزومـه قويـه
والا الردي معروفه طبعه مـن الاش
ماحصلـوا غيـر الفشـل والرديـه
اللي على شذب العراقيـب يعتـاش
مافيـه خيـر ونيـتـه شقلبـيـه
يجلس معاك وقلبه اسود وغشـاش
تبـا تعرفـه حيـل بـأول قضيـه
اليا بدالـك لازمـن فيـه ينحـاش
والله لونـك فـي فـلاتـن خلـيـه
اصبر على قرص الحيايا والانعـاش
ولا اصبر على نمت خـوي بخويـه
اضيق وازعل واسهر الليل وانداش
واقـول ياعالـم تـراهـا خطـيـه
مااقول فيه علوم من طاش ماطـاش
قـول الله المعبـود وسنـة نبيـه



[[ وسلامتكم ]]

الموضوع الأصلي: ابا خذلي مع البر مطراش....للشاعر المميز ..عيسى عيد الرشيدي | | الكاتب: موسى بن سيار | | المصدر: شبكة بني عبس

[مرزوق العجوني]

صح لسان شاعرها ولا هنت على نقلها لنا يا موسى

[ابو عبدالعزيز]

صح لسان الشاعر وشكرا لناقلها

[المقوعي]

صح لسان شاعرها ولا هنت على نقلها لنا يا موسى

[موسى بن سيار]

الأخ الفاضل مرزوق العجوني


شاكرلك مرورك الكريم ...


تقبل فائق احترامي وتقديري

[موسى بن سيار]

الأخ العزيز أبو عبدالعزيز


شاكرلك مرورك العطر ...



تقبل فائق احترامي وتقديري

[موسى بن سيار]

الأخ الفاضل المقوعي


لقد أسعدني مرورك الرحب ...


تقبل فائق احترامي وتقديري

[سعد الفلاح]

الله الله عليك مشكور أخوي موسى على الجهود الواضحه والأبداع المتواصل

وصح أللسان الشاعر عسيى على الدرر وشوقنا للبر والله :)