[سعد الشقل]

سلام عليكم


انقل اليكم

اجمل واقوى المحاورات التي وقعت بين الشاعرين..// عبدالله الاشرم ورشيد الزلامي


رشيد الزلامي

اسمحولي دقايق بس يأهل المدينه=لين اخطط لعبدالله وحدد مكانه
لونحقق معه يمكن كلامه يدنه=ثم يحكم لنا القاضي بقطعت لسانه

عبدالله الاشرم

انت ضيف ن عزيز وضيفنا ما نهينه=والزلامي من العتبان عنتر زمانه
الحرامي بحكم الشرع تقطع يمينه=اما انا شاعر ن مسلم وعندي حصانه

رشيد الزلامي

أبحرت بالبحر ماعاد حولك سفينه=مالحقها ولد شداد على حصانه
انت شاعر وعندك دروشه بالمكينه=انت يالمسلم الي فيك ذمه وامانه

عبدالله الاشرم

أبحرت في بحرها والجواهر ثمينه=وانت قلبك نظيف ولا تخلي اللعانه
لاسكن جوها تنزل عليك السكينه=وانت فرد ن قديم مدخل ن بالصيانه

رشيد الزلامي

الله الي قسمها بين قلبه وعينه=فيه قلب ن ذهين وعين فيها خيانه
المجانين يكون الجمل في سنينه=راح عنتر زمانه جاك عنتر زمانه

عبدالله الاشرم

لا تعجن المعرفه مثل عجن العجينه=الجمل لنتفخ بطنه فرزنا بطانه
انت جبها سمينه واستلمها سمينه=كل ماخرف الشايب رجع للحضانه

رشيد الزلامي

ماسمعناك كنك تتصل من كبينه=خل بعض العلوم لشله البرتكانه
افخر اني سنين اهل العقول الرزينه=وانت منت صغير مير منت تكانه

عبدالله الاشرم

انت ذبحك حرام وترك مثلك غبينه=مير سويت حادث مثل حادث ديانه

الموضوع الأصلي: عبدالله الاشرم ×× رشيد الزلامي | | الكاتب: سعد الشقل | | المصدر: شبكة بني عبس

[سعد الفلاح]

تسلم يمينك ياسمي وصح أللسنت الشعار ولاهنت يلغالي

[ابو براك الرياض]

مشكور على نقل المحاوره الرايعه

[بحــ الخليج ــر]

تسلم على نقل المحاورة الجزله

[عبد الرحمن خضير]

شكراً لك اخي الكريم
على نقل محاوره جزله بين شاعرين من عمالقة المحاوره وتقبل تحياتي

[عبدالله الشقل]

تسلم وما قصرت يأبو مثني

[سعد الشقل]

اشكر لكم مروركم الكريم جميعا..//

[محمد السنيني]

انت ذبحك حرام وترك مثلك غبينه=مير سويت حادث مثل حادث ديانه

محاورة رائعة مشكورين على النقل