[رشيد]

ليه اذا حبيتك أكثر زدت قسوة

وان دريت بحاجتي لك.. زدت جفوه

وان عطيتك من حياتي ما تريده

ما كفاك وتحسب ان الحب نزوه

والله اني يا أحب الناس.. احبك

والله ان الروح لو ترضيك.. فدوة

والله اني تارك غيرك.. وجيتك

مزعل الزعلان والعذال عنوه

كل دقة قلب فيني لك قصيده

تكفي الدنيا مع الاحباب غنوه

وكل هاجس ما يجيب الا خيالك

سلوتي بالعمر.. في صحوه وغفوه

اجمع احساسي واشواقي واجيلك

والبس ثياب الهوى والعشق كسوه

وانتقي من سواليفي حسنها

والقصايد من غزلها كل حروه

وانثر العبرات والضحكات عندك

واقول اني احق الناس فضوه

ادري اني عادي ما فيه ميزه

وادري اني كادح ما حاش كروه

وادري اني في خريف العمر ماضي

ما بقى بيني وبين القبر خطوة

لكن اني صادق في ما اقوله

واطلب من الله عن الزلات عفوه





دايم السـيـف

الموضوع الأصلي: قسوه - دايم السيـف | | الكاتب: رشيد | | المصدر: شبكة بني عبس

[عبد العزيز]

صح لسان دايم السيف والله يعطيك العافيه على الاختيار الرائع

[صوت البدر]

رشيد يعطيك العافيه
و صح لسان دايم السيف

[موسى بن سيار]

الأخ رشيد


يعطيك العافيه علي هذا النقل الرائع ...


وصح الساان دايم السيف

[رشيد]

يعافيكم ربي
اسعدني مروركم احبتي

[بنت العبسي]

صح لسانه ياربي يسعده ويسعدك



كلمات الاغنية رااااائعة جداً وغناها الفنان / محمد عبده بأروع لحن

الف شكر من القلب بصراحة ذوقك راااقي جداً

[ابو عبدالعزيز]

شكراً لك اخي الكريم أختيارموفق

[ابو براك الرياض]

قصيده رايعه