[ثنيان العجرمي]

هاض الضمير ومطلع القيل موجود =
بأبيات بأسمك يالولي مبتداها=
وكتبت خطي بأوله مسك وورود =
وأرسل عبر خط الرسايل صداها =
شرار همي ينقص اليوم ويزود =
والحال محد(ن) عارف(ن) وش بلاها =
أمسي بهمي وأصبح الصبح ويعود =
والعين عيا نومها ما يباها =
عقب التجول بالفيافي مع الذود =
في ديرت(ن) نبت الشمطري كساها =
وليا كشف في مزنها بروق ورعود =
ما عاد تعرف قشعها من حصاها =
واليوم صرت بديرت(ن) ما بها فود =
بين الحظارم نعنبوا من قناها =
يا عزتي لأهل الوفاء ملهم رود =
زحول الرجال اللي يسدك نباها =
لأبو بدر مني تحيه وأبو سعود =
ربعي على ما قيل سلمت يداها =
أفعولهم مثل البحر مالها حدود =
مثل النجوم الساطعة في سماها =
والله ماأنسى بالوفاء راعي الجود=
مروي الكبود اللي كثير(ن) ضماها=

وسلامتكم ,,,

الموضوع الأصلي: بين الحضارم ؟؟؟ | | الكاتب: ثنيان العجرمي | | المصدر: شبكة بني عبس

[ضابط ايقاع]

صــَـــح لسانك

[الاجهر]

صح السانك اخي ثنيان العجرمي
قصيدة رائعة
ماننحرم منك

[ღعبسيه كويتيهღ]

صــــــــــح لســـــــــــــــــانكـ يالعجرمي

[عبدالعزيز الخياري]

ثنيان العجرمي

أسم طال غيابه عن منتدانا والان يصافحنا بهذه الشامخه

تقول في القصيده:

واليوم صرت بديرت(ن) ما بها فـود
بين الحظـارم نعنبـوا مـن قناهـا

وانا اقول الله يرجعك لديرتك ويرجعك لا بو بد وابو سعود وجماعتك

وتقبل تحياتي

[ابو جاسم]

صح لسانك يالعجرمي

[مرزوق العجوني]

صح لسانك يالعجرمي على الرائعه وتقبل تحياتي

[فواز الدواي]

صح اللسانك يابن العم

ولاهنت تقبل مروري