[المغرم اليائس]

عادل الذيابي

يصارع رياح الاحزان العاتية,,

في ليل كان السكون سيده,,

ليس لشاعرنا وقتها رفيق سوى تلك العذراء الساحرة بجمالها,,

((القصيدة))

اليكم تلك السهرة وعادل الذيابي ورحلة الاحزاان


رح ـــلة الاحزاان

على همس ا لشفق تكتب حروفي رحلة الاحزان =يجددني غروب الشمس.. وأبـدأ رحلة أحزاني
اسامر شوقي الظامي 000اعاني لوعة الكتمـــــان =سكون الليل يملكني بصمته0..0وازعج الحاني
اقلب صفحة الماضي00ليالي عشتـــــها حرمــان =تعاندني ظــــــروفي000واتجاهلها بنسيانــي
هــــلابك يالقصيد اللي ترنم مثل غصن البان =تقــــادح بالورق ـقصة غياب البوح..والجاني
هلابك كثر ماحـــنّ الغريب لديرته شفقـــان =هـــــــلابك كثر ماضج المسافر بعد الاوطاني
هلابك كثر ماحل الفـــراق000 وشتت الخـــلان=هلابك كثـــر تفكيــري00ولوعاتي00وحرماني
قصيدي يوم جيته ماخذلني 00000فجّر القيفان =خذل كل المصاعب والظروف وفزّ لـــــي عاني
تـــوارى فوق هـــــامات الورق يعزف شقاي الحان=تغنــىبالبيــــوت بكل طــرق00وكل الاوزاني
بـــدأ من منطلق حبٍ قديـــــــم وكان ياما كان =محبه بعثرت سيــــر الصفوف وهزّت اغصاني
كتبها وجـــه عثرات الزمان وملــــــها النسيان =وخطبها الموت لدروب الهلاك..00وقلت: من شاني
حضنت الحب في صــدرٍ يضيق ويشتعل نيران =واعرف الحب مايرحـــــم حياة فلان.. وفلاني
تخيّرت الطريق الصعب الاضيق في رجا الرحمن =زبنت اضيق منافذ للحيــــــاة 00وربي انجاني
تخيــل كنت احبــــــه حب ماينكـــــال بالميزان =تصدق كنت اعزه عن جميع اهلي وخــــلاني؟
ولكن لـــــلأسف جازاني التقديــــــر بالنكران =وتركني للدروب العــوج تلعب بــي وتشــناني
قطع حبل الوصل في صمت لاراضي 00ولازعلان =زرع فــي الشكوك وشتت افـــكاري وخــــلاني
قصيدي فك ستر الصمت عني وافضح الكتمان =تــــــرى طالت وانا عايش بلوعاتي وحرماني
ابيك اكبر من الفرقا 00ابيك اقوى من الحرمان =ابيك تبوح دام البووح بأمكانـك وبأمكاني
انا هقواتي ابعــــــد من خيــالي واكـــره الخوان =واحــب الوافي اللي ماكذب عمره00ولاخاني
وانا ماهوب انا اللي لاهرج في هرجته نقصان =انا دايم صريح ولاهرجت الساني00حصاني
حبيـــــبي ليه تتركني بلا مبــــدأ بلا عنوان؟؟ =تــــرى محدِ يسد بغيبتك لو كانوا اخواني
انـــا لو قلت ماحبك ! تراي اخفي شعور انســـان =مشاعر صادقــه حلت تفاكيري 00ووجداني
عشقتــك كثر مااشتقت لدفاك وجيت لك ولهان =كثر مااشفق عليك وكثر مااحبك وتجفاني
انا اللي ضعت لجلك واختفـــى ظلي ورى القضبان =تخيــّل بعد كل الظيم واللوعات تجفـــاني
اعيش اسّــير بيدين الغــــريب ورحمة السّجــان =وانا اللي كل ماجيت اكتبك بيديك تمحاني
تعذر بالزمــــان وبالليــــالي والظــــروف احيان =وانا ماسامحك لاصــرت بأعذارك تحـداني
امـــانه لاتقول الحظ خانك000 والزمن خـــــووان =تراك انت الخيانه والزمن مظلـوم باعياني
احبـــك لو تقول ابــعد000احبــــك والعذاب الوان =احبك لو.. تعذبــني.. وتتركني... وتنساني
وعلى جرد الورق جيت اكتب القصه بــــلا عنوان!!! =عبث فيها الزمان وضاع فيها البوح والجاني

ولكم تحياتي

الموضوع الأصلي: عادل الذيااابي ورح ـــــلة الأح ـــزان | | الكاتب: المغرم اليائس | | المصدر: شبكة بني عبس

[الكريفي]

صح لسانك
اااااااااااااااااااااا

[عاشق المستحيل]

على الطلاق ان عادل من زحول الشواعير صح لسانة
وشكرا على النقل

[نـ الذيابي ـايل]

صح لسان الشاعر عادل اذيابي والله لايهينك اخوي المغرم اليائس


الشاعر عادل الذيابي شاعر كبير واعتبره انا شخصيا من الشعراء الذين لايستهان بهم ولهم كلمتهم وقت الشعر

قرأت اكثر من قصيده للشاعر عادل واعجبتني كثيراا قصيدة (شرهة ذيابي)

اتمنى تزويدناا بهاا هنا باسرع وقت اخوي المغرم اليائس


تقبل تحياتي

[موسى بن سيار]

يعطيك العافيه اخوى مغرم اليائس


وصح السان الشاعر عادل علي هذا الأبداع الرائع ...


دمت بوود

[المغرم اليائس]

الكريفي,,

لك التحية والاحترام على مرورك العطر,,,

دمت بخير

[عبدالعزيز الخياري]

حبيبي ليه تتركني بلا مبدأ بلا عنوان؟؟
ترى محدِ يسد بغيبتك لو كانوا اخواني
انا لو قلت ماحبك ! تراي اخفي شعور انسان
مشاعر صادقه حلت تفاكيري 00ووجداني
عشقتك كثر مااشتقت لدفاك وجيت لك ولهان
كثر مااشفق عليك وكثر مااحبك وتجفاني
انا اللي ضعت لجلك واختفى ظلي ورى القضبان
تخيّل بعد كل الظيم واللوعات تجفاني
اعيش اسّير بيدين الغريب ورحمة السّجان
وانا اللي كل ماجيت اكتبك بيديك تمحاني
تعذر بالزمان وبالليالي والظروف احيان
وانا ماسامحك لاصرت بأعذارك تحداني
امانه لاتقول الحظ خانك000 والزمن خووان
تراك انت الخيانه والزمن مظلوم باعياني



اخترت فأحسنت الاختيار


أتيت بـ دره من نوادر المبدع

عادل الذيـابـــي


الذي أطــــــال الغياب ، ولكن مهما غاب

يبقى في قلوبنا نكن له كل احترام وتقدير

ونتلذذ بقراءة قصائدة الجميله .....


تحياتي لك

[مسندالعويمري]

عادل الذيـابـــي

صح السانك شاعر كبير لكن وين الغياب وينك عن شاعر المليون غريب الغياب


والله لايهينك يا المغرم اليائس على نقلك الرايع