[خليف الوهيداني]

اقدم لكم قصيده كانت معدود للمشاركه بحفل الشاعر عبد الله عبيان

بادعوه من الاخ فيصل الرشيدي الا ان الظروف حالت دون الحضور

وكان في خاطري الغى القصيده الا ان ليس لها قيمه اذا لم تكون في وقت الحفل وامام ماقيلت به ولكن عقب ماسمعت ماحضره من ابيات

لحفل بني رشيد لزم علي تنزيلها اكرام لهذا الشاعر

وعسى تحوز على رضاكم

يامرحبا ترحيب من قلب ولسان=بابن الرجال اللي عظيم(ن)كرمها
اللي بنا للمجد والطيب عنوان=وكل العلوم الطيبه ملتزمها
اللي يعادله قبيله وعربان=والطيبه في كف يده وسمها
والمرجله لو دونها ثار بركان=داس الخطر من دونها وستلمها
رجل(ن)يقول الحق من دون نقصان=ويمناه ماخط الخبايث قلمها
يمنا الكرم يمنا النداوي اكحيلان=اللي عن الهفوات نفسه عصمها
كذا الرجوله والمروه والحسان=والناس ياخذ طيبها من حشمها
والعمر بالدنيا محدد للانسان=فرصة عمر والادمي يغتنمها
وخلق بها الله خلقه الشكال ولوان=وغنابها ناس(ن)وناس تخدمها
احدن فعل يمناه بالطيبه بان=واحدن فعل يمناه نفسه ظلمها
واحدن بنا بالفعل للعز بنيان=واحدن مبان العز فعله هدمها
واحدن لو انه عاش بالعمر بطران=المرجله مالله لشخصه قسمها
و ياللي بافعل الطيب ما انته بافهمان=عبدالله عبيان طرقه رسمها
خلك ورا عبدالله ابن عبيان=ودخل ابحور المرجل ثم عمها
ابن الرجال اللي تعزوا باراكان=وياطا على الموت الموكد قدمها
اولاد يام ان ثور الحرب دخان=بالمعركه والحرب محدن هزمها
للجار غيث وللمعادين نيران=ولطيب دنيا ساكنتها اممها
وتشهد لهم افعالهم ماض الزمان=قوم(ن)علت فوق المراجل هممها
ويشهد على فعل النشاما بمكان=شعب الخليج وتركيا مع عجمها
اقولها ماني بمخطي وغلطان=اكبر خطا من الحقايق كتمها
وثني على من قام بالحفل لا هان=وعزم رجال(ن)ماندم من عزمها
في حفل من لا جوا من البعد ظيفان=مايذبحون اللي قليل(ن)شحمها
مايذبحون الا ثمينات وسمان=ولاحسبو ا عند المحرج قيمها
ربعي بني رشيد والعلم وكدان=وفهم اللي كلمتي مافهمها
للجار عز والبيض الوجه صدقان=وضد الجحود وعز من يحترمها
ولا اللي جلا من طالب الدم مزبان=وفينا الطريس اجمل قصايد نظمها
واليوم في نعمه وفي خير وامان=يوم ان ابو تركي بحكمه حكمها
صار الوطن اشرف وطن بين الوطان=وعلى الكرم والعز رفرف علمها

الموضوع الأصلي: يامرحبا ترحيب من قلب ولسان | | الكاتب: خليف الوهيداني | | المصدر: شبكة بني عبس

[سعد بن عادي]

بيض الله وجهك يا خليف وللظروف أحكام .

وصح لسانك قصيدتك جزله وجميله


وهلا في حضورك ومشاركتك .

ودمتم كما تحبون

[سعد الرشيدي]

الشاعر الكبير والمبدع

خليف الوهيداني

صح اللسانك وبيض الله وجهك على هالقصيدة

الرائعه والذي بلا شك يستاهلها الشاعر عبدالله عبيان

وسوف تاصل له باذن الله وانت من الداعمين للاحتفال ولكن

عدم حضورك هو الذي لم نتوقعه ولكن للظروف احكام

وافي يابن خزيم وعساك على القوة

اخوك سعد

[مرزوق العجوني]

صح لساااااانك مليوووون يابن خزيم وافي يالذيب ولا هنت وتقبل مروري

[خليف الوهيداني]

اقتباس من مشاركة سعد بن عادي بيض الله وجهك يا خليف وللظروف أحكام . وصح لسانك قصيدتك جزله وجميله وهلا في حضورك ومشاركتك . ودمتم كما تحبون

صح بدنك

ولاهنت على مرورك


لك احترامي

[موسى بن سيار]

الشاعر الكبير خليف الوهيداني


صح السانك وعلا شانك قصيده جزله ومايجيب الجزل غير راعي الجزل وانت أصل الجزل ...


تقبل فائق احترامي وتقديري

[عبدالعزيز الخياري]

شاعر الجزاله

خليف الوهيداني


كما عودتنا بقصائدك النادره جزله يالعايضي وتمنيت انها قدمت بالحفل

ولكن ... للظروف احكام مثل ماقالو الاخوان


تقبل تحياتي

[ابو براك الرياض]

قصيده جزله من شاعر جزل