[ღعبسيه كويتيهღ]

وصــــايـا للبنـــــات لصيد المعرس
^
^
^
^
يحبجـــن لهالســـوالف لأحقات على رزقجن
كيـــــف تصطـــادين المعرس الجيــــــــد دون اللجوء إلى الأساليب القديمه كالمغازل والترقيم والترزز بالأسواق
والتلميـــح اللي ماله سنع....إلخ.....؟!
أهم شي نركز على العجوز اللي حاطه عينج على ولدها...
ثـــم نفذي مايلي:........
1)خليج على طول مع امج ولاتقزين مع رفيجاتج السخيفات وتستعبطين جدام الناس...إصبري عن هالحركات جم شهر لماتتم العمليه بنجاح...
2)إمشــي وإنتي حاطه راسج بين كتوفج وعيونج عالأرض ولاترفعين راسج كلش حتى لو عورج..
(*نــصــيحه:خلي الفكس دايمآ في متناول يديك)
3)كلمة ((خاله))خليها دايمآ على لسانج..خاصه لأم المعرس...عشان تحس بنوع من التميز عن باقي العجايز.....
***ملاحظه:لامانع تنادين عجوز ثانيه بخاله...عشان إذامانجحت الخطه مع العجوز الأولى تنجح مع الثانيه((الاحتياط واجب ياخواتي))
4)إذاقعدت أمج تتكلم عند الحريم إضربيها بكوعج عشان تدخلج بالسالفه حتى لو ماتعرفينها تطبيقآ للمثل<<كماتدين تدان>>...أدري هالمثل شــكو بس ماعرف غيره...
5)إخوانج الصغار ورقه رابحه...إلعبي معاهم وناقزي وراهم وين مايروحون حتى لو ماكنتي تسوينها من قبل بس تصرفي معاهم كأنج أمهم عشان العجوز تاخذ فكره إنج حريصه على ذريتج...
6)كل ما أكلت أمج من أكله حلوه وصيها تقول:سبحان الله نفس الأكله اللي تسويها بنتي...(حتى لو كان الأكل من مطعم صيني أو مكسيكي)...
7)إذا مديتي إيدج جدام الحريم قولي بنعومـه آآآآآي...وخلي أمج تقول:قلتلج يابنيتي ماله داعي تنظفين البيت وترتبينه عندنا خدامه...
8)إذا تكلموا الحريم عن العرس إكتمي نفسج ولا تنفسين لحد ماتحمر خدودج...عشان يقولون:ياحلوها تستحي..بس لا تكتمينه مره وحده....أخاف تروحين فيها ويقولون قتلتي نفس بغير حق...
9)مهما كان موضوع الحوار حماسي لاتبدين رايج وخليج مثل الطرمه...لأن اللقافه تجيب أجل الخطه
10)شعرج خليه دايمآ ناعم...لاتطيرينه أو تجعدينه مهما كانت الموضه...لأن العجايز مايدورون إلا اللي شعورهم ناعمه...
11)إذا أدلت العجوز (ام المعرس المتوهق)بأي رأي...سواء سياسي أو وطني أو إقتصادي وافقي عليه على طول ...حتى لو ماله معنى أو مصدقيه ....مثال: تقول العجوز:بوش تقهوى عندنا أمس....قوليلها:ليش ماعلمتينا ياخاله نجي نساعدكم...(ايا المهايطيهساعدي أمج اول)
12)بالعروس إضغطي على نفسج وإقضبي أرضج ولاتتحمسين وترقصين بخبال....بعدين ياخذون فكره إنج خفيفه ومو مال زواج...
13)إذا جا طاري الســـوق....وهو لازم يجي لأنه ملح القعده عند الحريم....وصي أمج تقول:بناتي مايحبون روحة الســوق((اقص إيدي))أبوهم يجيب أغراضهم...
<<<<<<<<إلحين العجوز وقعت في الفـــخ.....نروح للمعرس>>>>>>>>
1)إنثبري في بيت أهلج... ولاتطلعين مني مناك..وإذا المعرس بيشوفج وصي أبوج يقوله:والله ودي تشوف البنت بدون لاتدري عشان تاخذ راحتك وأنا عمك وتشوفها عالطبيعه بعد عشان ماتقول غشيتوني(هين يالشايب والله لو بكيفك تحط مكانها هيفاء وهبي)........
2)قبل يجي اليوم اللي راح يشوفج فيه بحوالي أسبوع أو أكثر((على حسب درجة الجكر))إركضي من صالون لصالون...حف وتنظيف وصبغ وقص...إلخ..........
3)إذا جا المعرس ...وصي أخوج يوقف بجنبه عشان مايخز حيل وتطلع البـــلاوي وذلك تطبيقآ لنظرية ((اللمحـــهذبـــحــه))
4)في نهاية المشهد....خلي أبوج يقول:ماعليه وأنا عمك ترى البنت ماتدري إنك جاي تشوفها يعني ما كانت لابسه وجاهزه...(ماعليه يالشايب تقص على هالمسكين)...وبهاللحظه الولد بيبوس راس أبوج ويقوله متى العرس ياعــمي....؟!
(((*تحذيــــــر مهم:إبتعدي عن أمهات العيال المتعلمات راعيات الجنطه نفس لون الجوتي هذول يبيلهم خطط بعيدة المدى....)))
وجـــــذيه قدرتي تصيدين المعرس ((كلوووووووووووووش))

الموضوع الأصلي: وصــــايــــــــا للبنـــــات لصيد المعرس الجيد | | الكاتب: ღعبسيه كويتيهღ | | المصدر: شبكة بني عبس

[يوسف العبسي]

والله طلعتي منتي هينه ياعبسيه



الي اعرفه ان الرجال هم الي يدورون مو الحريم

هههههههههههههههههههه
هههههههههههههههههه
ههههههههههههههههه

[ღعبسيه كويتيهღ]

هههههههههههههههههههههههههه
هههههههههههههههههههههههههههههه
بس بعض الاحيـــــــــــــان الحريم موهينات يدورون


يسلمووووووووو يوسف على المرور

[رواية]

هههههههههههههههههههههههه
الله يسلمك اختي
اخاف اتبع نصائحك فينقلب السحر على الساحر
لكن ولا يهمك بجرب
تقبلي مروري

[وصل وقطاعه]

كككككككككككككك والله باموت ضحك

[ღعبسيه كويتيهღ]

يـــســــــــلمووووووو حبيباتي على المرور

وعسى هالضحكه دوووووم

[بنت العبسي]

ايه والله صدقت طيف اخاف ينقلب السحر على الساحر

>>>>> وش تبيني انتي هههههههههههههههه

الله يوفق البنات ويلاقن عرسان اولاد حلال بعيداً عن المكائد والخطط

اللي تخوف هذي هههههههههههههههههههه

[شـــوق]

هههههههههههههههههههههههههههههههههههههه

منتي هينه ..

بنطبقها بحذافيرها ,,