[ضيف الله المتعاني العبسي]

السلام عليكم ورحمة الله وبركاته

اسعد الله صباحكم جميعاً بالخير والمسرات

حبيت اقدم لكم هذه القصيده البريئة

كهدية مني لكل من يحمل اسم قبيلة عبس

في الجزيرة العربية

والحقيقه مهما تكلمنا وقصدنا

لن نوفي هذه القبيله حقها

ولكن هذا واجب علي شخصياً

وعلى كل شاعر من شعراء هذه القبيله

السامية بأفعال فرسانها وامجاد رجالها

وما هي عليه من مكانه تاريخيه عريقة

ولا هذا الا فيض من هيض

علها تحوز على رضاكم

واعذروني اذا كان فيه بالقصيده

بعض من الغموض

في الكلمات او المفردات

واطلب من الاخوان المشرفين

تعديل معرفي إلى المتعاني العبسي

لان حصل خطا في التسجيل ولا قدرت اعدله

[/color] [/size][/align]

حنا قبايل عبس روس القبايل=أهل الشجاعة والفخر والفعايل
تاريخنا في وجه الأيام طايـــل=من عهد قيس وعنترة ولد شداد
أهل الجنابي والخيول المغيره=تشهد لنا حدب السيوف الشطيره
وفعلنا مشهـود في كــل ديــره=نرسي كما ترسي على الأرض الأوتاد
خضنا في الماضي حروباً عديده=وياما ثنينا من رقاباً عنيده
ما هو كـلام إلا فعـــــــولاً أكيده=خضنا الوغى بأجساد وقلوباً أشداد
خمسة صُفف صُفه ورا جيل صفه=والحرب قايم والجحافل مُلِفَه
الين كـــلاً خذ مراده وشــــفّه=وأعلينا رايتنا على روس الاشهاد
قوماً لنا في الحرب جوله وصوله=مغوارنا كلاً يُحسب نزوله
لا غار ما يرضى بغير البطوله=قوماً ليا جار الزمن زاد وزناد
يوم المشفع والرصاص الثميدي=والملح والخفان يوزن بالايدي
نسحق من البارود شي جديدي=للحرب وإلا للمحافل والاعياد
ومن الاثب نفتل ضرام الفتيله=من قبل ما تورد علينا النهيله
زمان يوم ان الموارد قليله=من قبل سوق أم النياشين يزداد
يا ناشداً عن عبس عندي طريقه=انشد بني ذبيان تلقى الحقيقه
عبس أهل تاريخ ومواقف وثيقه=عدّتهم اعلوم المعوبه والانقاد
أهل أصل وأمجاد وبطولات وأفعال=حرام ما نحسب سواليف الأنذال
مثل الجبل من هبة الريح ما مال=شموخ متوارث من أجداد لأحفاد
ندقل كما دقل السيول الجوارف=في يوم تسمع للرصاص الغطارف
بالبندق أومنا حدود الطوارف=وسوقنا ما بين الاسواق يرّاد
سوق المراجل والعلوم الثمينه=سوقاً بدم قلوبنا مفتدينه
أغلى على الرجال من شوف عينه=واسمه ربوع العين يا كل نشاد
سوقاً ما والله يجهله هابطينه=كل القبايل والعرب عارفينه
من دونه أرجال وشيوخاً فطينه=معمور ما ناله منافق وحساد
ومن سال عن متعان متعان من عبس=يشهد لنا التاريخ ذا اليوم وإلا امس
دام الحقايق واضحة زايل اللبس=ومن بغى تزييف الاعلام ما ساد
ذا بعض مما جال في وسط صدري=ماجيت بعبّر على الناس شعري
وإلا إن في ربعي شموخي وفخري=عبس الشداد اهل الشهامه والامجاد

الموضوع الأصلي: روس القبائل عبس | | الكاتب: ضيف الله المتعاني العبسي | | المصدر: شبكة بني عبس

[مرزوق العجوني]

صح لسانك يالمتعاني العبسي ولا هنت على الرائعه وتقبل مروري

[ضيف الله المتعاني العبسي]

اقتباس من مشاركة راشد رباح حياك الله العبسي المتعاني قصيده جزله من شاعر جزل صح لسانك

الله يسلمك



يا راشد



وشهاده من وافي



والله لايهينك


على المرور

العذب

[احمد سند]

صح لسانك يالعبسي

قصيدة جميلة جدا جدا

[سالم الرشيدي]

صح السانك وبيض الله وجهك

على النقل الرااائع

[_النازي_]

صح لسانك يالعبسي

قصيدة جميلة جدا جدا

[ابو براك الرياض]

الله يعطيك العافيه
تقبل تحياتي

[سعد المظيبري]

صح لسانك وبيض الله وجهك