[فواز الدواي]

اضـــع لكم هذه التواضعه اتمنى ان تنال اعجابكم

النار والهيل والفنجال والدله = والشعر واليل في وسط الخلا الخالي
جلسة هداوه تداوي داخلي عله = احتاجها لابغيت اجلس مع حـــالي
حبل الفكر ينعقد ساعات وأحله = ارخي هجوسي واحل عقود وحبالي
ارجع الذاكره فـــي مامضى كــله = واخذ من اللي مضى واعشم آمــالي
واجر صوتي بعالي الصـــوت وأتله = الصوت عالي واثاري شوقي العالي
اثري الوله يجعل الاعيان مبتله = تنزل دمـــوع الغـــلا تغليلها غــــالي
بعض البـــشر لاعرفته خافقك حله = يحل قلبك وهو ملكك مــن الوالي
تقول ابفطن ولكن منت فاطله = عينك تشوفه بذات الوان واشكالي
يرسللي احساسي الأشواق وارســله = باقت ورود وعواطف عبر الارســالي
ياوجد حالي وجود اللي به الخله = اختل عقله وهو قرمٍ ورجالي
عقله تغير ولايدري عن الزله = من عقــب ماهو تكانه صابه هـــبالي
واليا قعد بالمجالس كلٍ يغله = أ تنفرزه بالكلام رخوم وانذالي
او وجد من دمع عينه بالحزن هله = على رفـــيقه يهل الدمع همــالي
رفيـقه اللي يحبه دوم مامــلـــه = عن دنيته غاب جاه الموت طوالي
مؤمن ونفسي تحب اللي قسمه الله = سبحان من يمتلك بيديه الاجالي

الموضوع الأصلي: النار والهــــيل والفنجــال والـــدلة ....... | | الكاتب: فواز الدواي | | المصدر: شبكة بني عبس

[سعد الشقل]

صح اللسانكـ يافواز على هالقصيده الجميله

وماهو غريب عليكـ الابداع هذا

[عبدالرحمن عديهان]

صح لسانك اخوي فواز قصيده جميله جدا

ارجع الذاكره فـي مامضـى كلـه
واخذ من اللي مضى واعشم آمالي
واجر صوتي بعالي الصوت وأتلـه
الصوت عالي واثاري شوقي العالي
اثري الوله يجعل الاعيـان مبتلـه
تنزل دموع الغـلا تغليلهـا غالـي


شكرا لك ولابداعك...

تفبل مروري

[فواز الدواي]

الاخ / سعد الشقل

الابدع مرورك الكريم

لاهنت صح بدنك

[فواز الدواي]

عبد الرحمن تسلم على المرور

شرفت الصفحه

صح بدنك

[احمد سند]

ليست متواضعة اخي فواز بل هي فريدة من فرائد القصائد الجميله

مشكووور على هالرائعه

تقبل مروري

[فواز الدواي]

احمد سند

شهــــاده اعتـــــز بها

تسلم على مرورك الكريم

[ولد عبس الرشيدي]

ليست متواضعة اخي فواز بل هي فريدة من فرائد القصائد الجميله

مشكووور على هالرائعه

صدق اخوي احمد سند وعبر عن شعوري