[رشيد]

اتحبني ولا تحب الدراهم
============
فـزاع ( الشيخ حمدان بن محمد بن راشد )



اتحبني ولا تحب الدراهم
اختارلك وحدة علشان ماضيع
علاقة ما تنبني بالتفاهم
حتى تحت نور القمر يمكن تميع
ترى اهل الحب الحقيقي تراهم
مشجعين احساسهم دون تشجيع
صغيرهم يدري بقيمة غلاهم
لا يمكن تحصله معروض للبيع
مزروع في قلبي غلاك وعساهم
فدوة لبستانك وحصد المزاريع
مداك ما يشبه في عيني مداهم
يا ظبي يلي مرتعك في المرابيع
اذا زماني ما نصفني واذا هم
يبغونني انثر دموع التواديع
للحين بعده ما وصل مستواهم
المستوى شكر الحرار المطاليع
وصغار وعيوني لا يمكن تراهم
ما هي تشوف الا النجوم الملاميع
البحر ولا الموت انا كلاهم
اغرقهم واحبسهم ليابس الريع
الا اذا شفتك معاهم انساهم
كنك تقطع قلب مغليك تقطيع
لك محتوى يطغى على محتواهم
ويزيدني شوق ومحبة وتنويع
انت القمر والشمس ولا حداهم
انت الورود اليانعة والينابيع
اهل الحروب تجر لجلك حداهم
واهل الطرب تعزف لك اللحن تنويع
والاتقياء موحدين دعاهم
يحفظك ربي من عيون المقاليع
فرع وعلم هالبنات اش بلاهم
احبابك الموتى يا سيد المفاريع
في ارضهم جنة .. نجم في سماهم
اذاعة اهل الحسن وصوفك تذيع
من ما تطلع تراك حلاهم
اذا طلعت تصدع الناس تصديع
لكن لا تبعد بفكرك معاهم
لا الوصل يشرونه ولا الشوق للبيع
لو كل حاجة تنشرى بالدراهم
كان اشتريت العمر قدام لا يضيع

الموضوع الأصلي: اتحبني والا تحب الدراهم ... | | الكاتب: رشيد | | المصدر: شبكة بني عبس

[ابو جاسم]

صح لسانه ولسانك-

[سعد الشقل]

صح اللسانكـ ولسان قائلها

[رشيد]

صح لسان شاعرها الشيخ

ولاهنتم احبتي

[ابو عبدالعزيز]

صح لسانه ولسانك

[عبس404]

قصيده جميله ورائعه

ويسلموو

[رشيد]

صح لسان شاعرها الشيخ

ولاهنتم يالشيوخ

[ابو براك الرياض]

الله يعطيك العافيه