[حسن الوطري]

السلام عليكم جميعا

اعضاء هذا الصرح الشامخ

اضع بين ايديكم مصافحتي الاولى عل وعسى ان تنال على اعجابكم

لا ما نحاسب ضيفنا بالمخاسير = حيث الجمل لا زودو حملته ثار
الضيف له عندي معزه وتقدير = يومين والثالث مقفي عن الدار
نبا يجي ويروح ما يشوف تقصير = حتى لا جا ذكر الوفا جا لنا اذكار
لا جت سوالف بين ورد ومصادير = كلنا ذكر ما شاف هذا لنا كار
ما همني والله جمع الدنانير = ولاني بغابط من جمع كم دينار
انا هوا شفي بشوف المناعير = اربوعنالاجو من البعد زوار
لاجو وسط البيت جملة مسايير = حضرت دله وخالط الهيل مسمار
وصينيةٍ في وسطها جملة الخير = مفطحاتٍ جات في غالي الاسعار
ومن بعدها قمنا نجيب التعابير = سوالفٍ يطرب لها كل سمار
قمنا نتسامر في علوم المشاهير = اهل الوفا باللي جرا قبلنا وصار
جبنا علوم اهل الوجيه المسافير = اللي تكرم ضيفها وتحشم الجار
والخاتمه يالله عسى الخاتمه خير = عطفك ولطفك قبل قصاف الاعمار
انت المجير ومالنا غيرك مجير = ياخالق الجنه ويا خالق النار
((( سلامتكم )))

الموضوع الأصلي: مصافحة اولى ( الضيف ) | | الكاتب: حسن الوطري | | المصدر: شبكة بني عبس

[فهد المويسه]

صح لسانك يا بو عبدالله على القصيده الجزله والوافيه من وافي

وفي انتظار جديدك الجزل

وتقبل سلامي

[تركي العرعري]

بطل والله صح لسانك واجيز القصيده
وفالك المليون

[سعد الشقل]

صح اللسانكـ ياحسن الوطري على هالقصيده الجزله

وماهو غريب عليكـ الابداع هذا

ننتظر جديدكـ

[خلف العايضي]

حسن الوطري

ارحب يابو عبدالله . . . رايي في القصيده وراعيها تعرفه يابو عبدالله لأن الجزاله هي ديدنك في كل شي


اتيت هناء لقرأة القصيده للاعجاب بالقصيده وراعي القصيده لاهنت ياالبناخـــــي

واطالب بالمزيد من الدرر من ابو عبدالله وانت كريم وحنا نستاهل


تقبل التحية والتقدير

اخوك الصغير

خلف العايضي

[عادل بن هون]

قمنا نتسامر في علوم المشاهيـر

اهل الوفا باللي جرا قبلنا وصـار

جبنا علوم اهل الوجيه المسافيـر

اللي تكرم ضيفها وتحشم الجـار

الف نعم فيك وباهل الوفاء

رائع يابوعبدالله

[مرزوق العجوني]

صح لساااااانك ياحسن ولا هنت على الرائعه وشهادتي فيك مجرووووحه تقبل مروري وتقديري

[عبدالله الراشد]

قصيدة كبيرة جدا