[عبدالعزيز بن شري]

السلام عليكم ورحمة الله وبركاته




اليــوم نقلت لكــم قصيدة



لــشاعر / مصــنت بــن شـــري






" لاترسل رسائل على الميل "

يامـن عذابـك زاد قلبـي غرابيـل=ليـه الجفـا والهجرفيـه نويـتـه
انـا اتحـرى منـك ردالمراسـيـل=وانته هدمت اللي مـن اول بنيتـه
طاوعت ناسن ماوراهـا محاصيـل=وعهداً مضا بينـي وبينـك نسيتـه
بسباب هجرانك جرت لـي بهاذيـل=وانت السبب في كـل شيـاً جنيتـه
يابوعيونن سود خرسـن مظاليـل=ماخنت انا فيك العهـد مـن بديتـه
ياماالتقينا هجعـت النـاس بالليـل=وياما ذراعي فـوق عنقـك لويتـه
نسهر وناخـذ بالمحـادث تعاليـل=ويطيـب قلبـن بالمحبـه كويتـه
حبي لك اشفق من ظما الارض لسيل=وصدك وهجـران الجفـا ماهقيتـه
يا هيه يا حلـو الدلـل والتعازيـل=حرام يابس زرعـك اللـي سقيتـه
وان كان يرضيك الجفـا والغرابيـل=رح بالطريق اللـي برايـك نويتـه
هذا كلامي واتـرك القـال والقيـل=ان طعت هـذا الـراي ولا عصيتـه
خلاص لاترسل رسائل على الميـل=سجل المواصل والرسائـل طويتـه
هذا قراري وانـت حـل التفاصيـل=قلبي اليا منـه عصـا مـا قويتـه

الموضوع الأصلي: لاترسل رسائل على الميل ..... لـ مصنت بــن شـري | | الكاتب: عبدالعزيز بن شري | | المصدر: شبكة بني عبس

[سعد الشقل]

صح اللسان ابن شري على هالقصيده الجميله

ولاهنت على النقل الرائع

[احمد سند]

صح لسان الشاعر

ومشكور على النقل

تقبل مروري اخي الكريم

[أبو فايز العويمري]

صح السان الشاعر مصنت بن شري وتسلم ياسعد على النقل قصيده رائعه

[أبو فايز العويمري]

صح السان الشاعر مصنت بن شري وتسلم يا عبدالعزيزعلى النقل قصيده رائعه

[القزم]

صح السان الشاعر مصنت بن شري

[عبدالعزيز بن شري]

اقتباس من مشاركة سعد الشقل صح اللسان ابن شري على هالقصيده الجميله ولاهنت على النقل الرائع

صح بدنك أخــوي / سعد الشقل

على المرور الراائع والجميل


وبيض الله وجهك

[عبدالعزيز بن شري]

اقتباس من مشاركة احمد سند صح لسان الشاعر ومشكور على النقل تقبل مروري اخي الكريم

صح بدنك اخوي / احمد سند

ومشكووور على الرد

الرائع