[سعد الشقل]

ناصر الشويلعي

لقينـاك يابـو ذيـل فـي ديـرة ٍغـيـر=تسحـب بذيلـك بيـن ذيـك الشطابـه
تـرى ديـرة ٍمهجـورة ٍمابـهـا خـيـر=وانا اعرفك ماتسكن بيوت الخرابه

ابو ذيل

مقادير واللي ورد عاف المصادير=ولا يصير فالموضوع شبه وغرابه
فتحت الكتاب ولالقيت التفاسيـر=وحيل الله اقوى في لقاه وحسابـه

ناصر الشويلعي

يابو ذيل ماتنفعك كثر المعاذيـر=بعد جيت من عد ٍخليـن جنابـه
ترى كليب مات بغدر ياسالم الزير=علامك بعد موته تشن الحرابـه

ابو ذيل

قبلت العذر ولا عسا خير ياطير=ابوذيل علم اهل الردا مامشابه
سمعنا وقرينا قصته بالاساطير=ترا الشر قفل الخير لافك بابـه

ناصر الشويلعي

تقوله بعد عودة مظمي من البيـر=ابو ذيل يشرب والبلاء في شرابه
تبى العلم لا تتعبك كثر المشاويـر=تريـح وريـح عنـد حضـرة جنابـه

ابو ذيل

ابوذيل مسلم مايذوق الخنازيـر=ولاصد عن نهج النبي والصحابه
ابا علم ثاني غير هالعلم مايصير=انا ماجهلت المحكمه والطلابـه

ناصر الشويلعي

ابو ذيل يتقلـب وهوفـي زمهريـر=اليامات وسط النارسـوى اقتلابـه
تبى العلم خذ مني علوم وخوابير=ابو ذيل في جحـره رديـده زهابـه

ابو ذيل

ترى مسيلم الكذاب له عملتً غير=يحرف كتاب الله وبيـس الكتابـه
تفضل وخلك ضيف ابوذيل وصغير=ابوذيل يكرم ضيفه وذقـت مابـه

الموضوع الأصلي: زعيم حزب النصر × وزير اعلام حزب العمده | | الكاتب: سعد الشقل | | المصدر: شبكة بني عبس

[ابا الخيل]

لله درك ياسعد الشقل
اشهد ان هذا الو فا والا بلاش من الصداقه والصديق
على العموم تقبل ارق وعذب وجمل تحايا اخوك ابوذيل
ودمت بخير

[ناصر خنيفر]

محاوره على معنا مقصود اشكرك على النقل ياسعد وشكر الشاعرين

[أنكسارحلم]

بيض الله وجهك ياسعد على التنسيق
للمحاوره التي جمعت بيني وبين ابو ذيل

تقديري