[مطلوب تغيير اسمه]

هذي محاورة لشاعرين من كبار شعراء المحاورة..


الشاعر الكبير خلف بن هذال والشاعر الكبير حبيب العازمي


وقد كان لقائهم في حفلة المغترة امام صاحب السمو الملكي الامير فيصل بن خالد





حــبـــيـــب الــعـــازمـــي =
.
.
ياخلف هذال جينالـك علـى الميعـادي=بعد قلت ان الوعد في حفلة المغتره
واسفرت والخيل قرّح والسيوف حدادي=سجّها من بطن نجد ليا القرى والحره
.
.
خــلـــف بـــــن هــــــذال =
.
.
ياحبيب خاطـري لملاعبـك منقـادي=لليالي بيض وصدور العـرب مستـره
كان جوّك يالعتيبـي للمعانـي هـادي=مع طلوع الشمس حضّر صانعين الذره
.
.
حــبـــيـــب الــعـــازمـــي =
.
.
الليال البيض يزهاهـا قمرهـا البـادي=والخبير اللي مع الجره يقص الجره
شغّل أبراج القناه وصك عنك الـرادي= لا تشوّش بالقناه الموجه المفترّه
.
.
خــلـــف بـــــن هــــــذال =
.
.
كان سارًٍ لك ذهيب وفي طريقك غـادي=حضّر المرّي ويكفونك عيال المره
لا تزيـد الملـح وتكـدّر عليّـه زادي=الحــوائج ردّها واربط عليها الصره
.
.
حــبـــيـــب الــعـــازمـــي =
.
.
الذهيبه فالجبـل والمشكلـه فالـوادي=ليت خير المرّي القصاص يكفي شره
ياخلف ماضاع ريح المسك وسط الكادي=والغشيم اللي يذوق الكحل قبل يذره
.
.
خــلـــف بـــــن هــــــذال =
.
.
قبل صيّاد الفهـود الغافلـه ينصـادي=ينعثر في ساعة من شــمسها محتره
قالوا انك عام الاول حاضرٍ لـك نـادي=ياعساك الصبح ياحبيّب تعيد الكره
.
.
حــبـــيـــب الــعـــازمـــي =
.
.
البعير بعير جـدي والشـداد شـدادي=ماعليّ من الحسود اللي زمانه غرّه
كان كل اللي مضى فالمعركـه مافـادي=ياجماعتنا عتيبه جربوا هالمره
.
.
خــلـــف بـــــن هــــــذال =
.
.
لا ترفّع ليّ خشيمـك ياصغيـر اولادي=غص بغبات البحر واجذب عليّ الدره
تلحق النار الفتيل ليـا فهقـت زنـادي= ياغلا م امرح ومرّح في لسانك مره
.
.
حــبـــيـــب الــعـــازمـــي =
.
.
اذكر الله ياخلف مانته بشخص عـادي=مار قل للعازمي شــاعر ولله دره
كل عمرٍ له مصير وكل ثـوب ٍ بـادي=واخر الا يام يبقى الحضرمي والجره
.
.
خــلـــف بـــــن هــــــذال =
.
.
ليش اكبّر راس توّه في حياتـه بـادي=قدمه الدرب الطويل وحملته مفتره

--------------------------------------------------------------------------------

الموضوع الأصلي: حبيب و خلف هذال في المغتره | | الكاتب: مطلوب تغيير اسمه | | المصدر: شبكة بني عبس

[ابو براك الرياض]

الله يعطيك العافيه

[عبدالرحمن عديهان]

محاوره نادره بين عملاقين شاعر الوطن خلف بن هذال والشاعر الشبح حبيب العازمي
ناصر شحيتان المحيش
تحياتي وتقديري لك