[فيصل المظيبرى]

زمان كان الخوف من غدر الليالى والزمان=واليوم كل الخوف من ناس حفظت حقوقها
ناس تفسر طيبتك معها غبا والا هوان=وصراحتك معها غرور وكبر فى منطوقها
ناس تنزل قدرها لجل المصالح لطمان=ناس بكذبتها على الصادق وساع شدوقها
الوقت خان ومن هقيت به الوفا والطيب خان=حتى الامانه باقها قبل الزمان يبوقها
لو انها بالكيف كان ارخيت للكيف العنان=واطلقت للنفس الشقيه كايدات سبوقها
ابدمح الزله عن اللى زل واللى كان كان=لو كان ماكل الفتوق اللى يخاط فتوقها
وابغتنم فرصه حياتى قبل لا يفوت الاوان=مدام روحى ذاريه والارض رجلى فوقها
ماعدلى شفن على الدنيا وميل الخيزران=الاالطروق اللى يوسع خاطرى طاروقها
الكلمه العوجا عوجها مايعدله اللسان=والشجره اللى ماتظلل عيبها بعروقها

الموضوع الأصلي: الزمان وزعل الرشيدى | | الكاتب: فيصل المظيبرى | | المصدر: شبكة بني عبس

[عبد العزيز]

صح لسااان الشاعر

والله يعطيك العافيه على النقل

[مناوربن معيض]

الله يعطيك العافيه

[!! هـيـبـة مـلـكـ !!]

يعطيك العافيه يافيصل وصح لسان الشاعر



وتقبل مروري....

[سلطان العايضي]

صح لسااان الشاعر الزعل الرشيدي

والله يعطيك العافيه على النقل

[فهد المويسه]

قصيده رائعه

[نشمي الرشيدي]

صح لسان الشاعر زعل الرشيدي على هذه القصيده المبدعه والاكثر من رئعه
ويعطيك ألف عافيه يافيصل على النقل

[فيصل المظيبرى]

عبدالعزيز عايض
مناور بن معيض

شكركم على مروركم


وتحياتى لكم وللجميع