[الاجهر]

هذه من قصايد الأمير:خالد بن أحمد السديري(رحمه الله)

ماجـور يـامـن صاحـبـه مـسـرفٍ فـيـه=طريـح حـبٍ مـا اهتنـى فـي شبـابـه
تلـعـب بــه الفـرقـا وتخـلـف هـقـاويـه=روابـعـه واللـيـل مــع مــن غـــدا بـــه
يتـبـع هــوى غــالٍ يصيـبـه ويخـطـيـه=بـسـهـوم حـــبٍ مــايــدواي صــوابــه
المقفـي أبـعـد عـنـه واتــرك حـراويـه=والمقبـل إفــرح بــه وقِــل يــا هـلابـه
إتبع هوى اللي ينعـش الـروح طاريـه=سـمـح المحـيـا تـايـهٍ فـــي شـبـابـه
القـلـب يطـمـع فـيـه والعـيـن ترجـيـه=رجــوى الحـيـا لـلـي ضـعـافٍ ركـابــه
هافـي حشـا ماشـال طفلـه يعجـيـه=مــخــدوم مـاقـالــوا يـخــيــط ثـيــابــه
يعطيـك مـا تعطيـه والقـلـب يسقـيـه=غــروٍ وفــا وانـقـاد حـبـل الـرجــا بـــه
هــاوي طــرب رب الخـلايـق مسـويـه=يكـفـيـه عـــن زيـــن الغـنـاديـر مـابــه
كاس الهـوى يـا بـدر كـلٍ شـرب فيـه=لا شــك مــا كــل وصــل مــا هقـابـه
أنـا الــذي حــب البـنـي غــارقٍ فـيـه=أعـــوم فـــي بــحــرٍ طــــوالٍ غـيـابــه
أسـري لهـن والليـل سـودٍ سمـاريـه=وارجــع ونـــور الـصـبـح بـــادٍ حـجـابـه
إلى اعترض لي من زهت لي معانيه=ماقبـلـي أحــدٍ لا حـبـه والـتـوى بـــه
أرخــص حيـاتـي يــم حـيّـه وأهالـيـه=مــا عـنـه ردتـنــي سـيــوف الـقـرابـه
أنعـم بوصلـه واهتـنـي فـيـه وارضـيـه=لا طـالــب غــيــري ولا بــــه طــلابــه
طابت جروح القلـب فـي قـرب غاليـه=رمـــت بـــه الأقـــدار والـحــظ جــابــه
أرمـي ظـمـاي بـذايـبٍ مــن أشافـيـه=شربـي هنـا مـا هـو بشـرب النهـابـه
إن غـاب عـن عينـي فقلبـي يراعـيـه=وان غبت سلوى خاطري في جوابـه
يـاتــل قـلـبـي تـلّــه الـغـصـن لاويـــه=تــلــة قــــويٍّ لـيّـتــه لــيـــن جــابـــه
عـلـى الــذي بـانـت بقلـبـي مهـاويـه=ســــود مـضـاريـبـه وحــمــرٍ حْــرابـــه
الصـبـر عــن شـوفـه ضـعـاف عـراويـه=الوقـت اعـده واختلـف فـي حسابـه
لـو رحـت عنـه بعيـد مـانـي بناسـيـه=هـــذا عـنــا قـلـبـي وهـــذا ذهــابــه

الموضوع الأصلي: ماجـور يـامـن صاحـبـه مـسـرفٍ فـيـه | | الكاتب: الاجهر | | المصدر: شبكة بني عبس

[أبو فايز العويمري]

صح السان الشاعر السديري واشكر كبير المراقبين الاخ الاجهر على نقل هالقصيده الرائعه

[فهد المويسه]

يتبـع هـوى غــالٍ يصيـبـه ويخطـيـه=بـسـهـوم حـــبٍ مـايــدواي صــوابــه

[مرزوق العجوني]

صح لسان الامير ولا هنت يالاجهر على نقلها لنا

[مسندالعويمري]

صح لسان الامير ولا هنت يالاجهر على نقلها لنا

[الاجهر]

اشكركم جميعا عل المرور والمتابعة
تحياتي لكم جميعا

[%القناص%]

صح لسان الامير ولا هنت يالاجهر على نقلها لنا

[غادة بني رشيد]

تسلم يالاجهر