[عبدالعزيز الخياري]

قصيدة التحدي برنامج لا يخفى على الجميع في قناة فواصل والذي شارك فيه الكثير من الشعراء الاعلاميين والشعراء الاخرين ، شارك في البرنامج شاعر مبدع من ابناء القبيلة وهو الشاعر

محمد جفال الرشيدي

شاعر مبدع أستطاع أن يتجاوز انتقادات اللجنه ولم يظهروا اي نقد على قصيدته بل انهم اشادو بشاعريته.

يصيغ الكلمة بأسلوب لا يجيده إلا المبدعين ألقى قصيده امام اللجنه واجازوه وأشادو به وقالو انه مفاجئه للبرنامج وهو بالفعل شاعر بمعنى الكلمة من أبداع شاعرنا المبدع محمد جفال الرشيدي هذه المقتطفات من قصائد شاعرنا المبدع :

ذات الصدور اللي بها الشر والخير = يظهر على كل الجوارح عملها
دايم لها بوجيه اهلها تعابير=تعبيرها يطلع على وجيه اهلها

وله ايضا :

يقطع ظروف الزمن من عاد يقواها=حتى الجمل ما يثور احيان بحموله
مشيت تايه ورجلي تسحب اخطاها=كني غريب سرا بدروب مجهوله

وبيت آخر

الشوق مثل الهيل والصدر دله=والبعد جمر تفوح منه المعاميل

وله قصيده بعنوان ((الغزو الاعلامي))

على كثر ماأشيل من هم الايام=عيت وساعت خاطري تحتويني
جراءت أهل الكفر ف بلاد الاسلام=شبت وقايد غيرت النفس فيني
ياهل الصحافة وقفو نزف الاقلام=انا شد الوافين والطيبيني
لو يوم واحد ريحوني وبنام =قلبي تعب والنوم مامر عيني
ليا متى نقرا عن احوال الايتام=وبيوت تهدم واهلها نايميني
إهانه وتعذيب تشريد وعدام=ظلم وقهر ياخيبت الصابريني
والعام مر وحالنا اردى من العام=والسر واضح وسمعة يافطيني
ما دمر الامة مثل غزوو الاعلام=أخطر من المدفع على المسلميني

وهو الان بحاجة ألى تصويتكم ودعمكم له من خلال التصويت يرسل فقط رقم الشاعر


رقم الشاعر: ف 268

على الرقم:82829

الموضوع الأصلي: الرشيدي يتحدى في قصيدة التحدي | | الكاتب: عبدالعزيز الخياري | | المصدر: شبكة بني عبس

[سعد بن عادي]

عساء الله يوفقه ويوفق جميع ابناء القبيله المشاركين في جميع المسابقات والبرامج



ويستاهل من يصووووووووووووت له

لا هنت يا عبد العزيز على نقلك وكل عام وانت بخير

[عبدالعزيز الخياري]

حياك الله اخوي سعد وانت بخير طال عمرك

وانشاء الله ان شعراءنا المشاركين شعراء قادرين على اثبات وجودهم


لانهم شعراء بمعنى الكلمة



والله يوفق الجميع

[عبد العزيز]

صح لسان الشاعر بصراحه قصائده رائعه جداً اتمنا له التوفيق ويبشر ابن عمي بالتصويت

عبدالعزيز كل الشكر والتقدير لشخصك الكريم على ماتقوم به من أطراءات رائعه تخص ابنا العمومه

[عبدالعزيز الخياري]

عبدالعزيز عايض لا شكر على واجب وهذا واجبنا ان نشجع شعراؤنا المشاركين

وهناك ايضا اسماء سوف اوافيكم عنهم قريبا

ولكن التصويت مطلوب ياعيال العم حتى يتمكنون من الوصول ألى دبي

علما أن جائزة المسابقة مليون ريال وسوف تعرض على الهواء مباشره

تقبل تحياتي والله لايهينك على مرورك الكريم

[مسندالعويمري]

صح لسان الشاعر بصراحه قصائده رائعه جداً اتمنا له التوفيق ويبشر ابن عمي بالتصويت

عبدالعزيز كل الشكر والتقدير لشخصك الكريم على ماتقوم به من أطراءات رائعه تخص ابنا العمومه

[كاسب المرجلة]

يستاهل محمد جفال الرشيدى
والواجب الوقوف معه
شكرا ياعبد العزيز

[مرزوق العجوني]

يستاااااهل التصويت ابو جفال

ومشكوووور يابو دحيم على نشر الخبر