[بحر العطاء]

سلام الله على اهل الحفل في داركما الدره=حباها الله بارجالٍ على الترحيب ماموره
مضارب عبس واجبال العلم وابان والحره=ترحب بالضيوف وديرة الأبطال مشهوره
مواطن عبس قبل الفين عام ولاجلو مره=ربو فيها سباعٍ في نهار الحرب مسعوره
حمول الخيل في يومٍ قبل يبدا بدا شره=كعامٍ للعدو ومخضبين الرمح من زوره
بحومات الوغا إن شان اللغا والعين محمره=نرد القوم باول يوم مذمومه ومدحوره
معزين الدخيل بعزة الله ماحد ضره=صناديد العيال بكل حال وشورهم شوره
هل الكفه هل العفه هل الكره بلا فره=ابوجه إعداه لين إعداه ترجع عنه معذوره
مدابيس البلا وقت البلا والروح مستره=سناف الموت يشهد والجنايز فيه مزبوره
ثلاثه بالضحى قصو عقيد القوم بالجره=وردو ذود معها زود والفرسان ماسوره
ليا رد البرا يرجع ورا من كان به عره=تقدمنا يصير وشوكة العدوان مكسوره
دمار الطاغي اللي من طغاه مشاوره غره=سبرنا قبل تبدا المعركه كد صادوا سبوره
رجالٍ حدنا دونه ولا نعطي منه ذره=يمين اللي يبي من حدنا بالعنف مقصوره
رشيدي وافتخر يوم العرب للفعل مضطره=بفعل العزوه اللي من سلايل عبس مذكوره
ولا اذم القبايل كلها بالساعه المره=لها يشهد بهاك الوقت سبع البر واطيوره
وهذا الوقت عم الامن في بحره وفي بره=نعيش بظل رب الكون ثم بظل أخو نوره

الشاعر / محمد بن عمران صالح الرشيدي

الموضوع الأصلي: رشــيــدي وأفـتـخـر | | الكاتب: بحر العطاء | | المصدر: شبكة بني عبس

[مسندالعويمري]

الشاعر / محمد بن عمران صالح الرشيدي

صح السانك على القصيده الحماسيه العبسيه الاصيله

ومشكور اخوي بحر العطء على النقل

[بندر الذيابي]

ًح الله لسانك وبيض الله وجهك

قصيده جميله ومرصعه بفنووون الشعر الرائع

كلمات منسقه وحروف تعبر عن الولاء والانتماء.

صح لسانك وننتظر جديد جزلك

[بنت العبسي]

صح لسانك أخوي والله يعطيك العافية



بصراحة كلمات قوية ماشااء الله وابيات جميلة

[قمر]

رشيدي وافتخر يوم العرب للفعل مضطـره
بفعل العزوه اللي من سلايل عبس مذكوره


كلمات رووووووووعه

يعطيك العافيه

تسلم يمناك

تقبل مروري _ _ قمـــــــرر

[المبـدع]

رشيدي وفتخر وصح السانك يابن عمران وتسلم يمناك





مع تحيات اخوك خالد الرشيدي

[أحمد الرشيدي]

بسم الله الرحمن الرحيم

السلام عليكم ورحمة الله وبركاته
ثلاثه بالضحى قصو عقيد القوم بالجره=وردو ذود معها زود والفرسان ماسوره
:p :p :p :p :p :p
صح لسانك يامحمد ابن عمران وتسلم يمناك



اخوك احمد الرشيدي

[عبيد الله دعيع]

رشيدي وافتخر يوم العرب للفعل مضطـره=بفعل العزوه اللي من سلايل عبس مذكوره
ولا اذم القبايـل كلهـا بالساعـه المـره=لها يشهد بهاك الوقت سبع البر واطيـوره
وهذا الوقت عم الامن في بحره وفي بـره=نعيش بظل رب الكون ثم بظل أخو نـوره

الله يعطيك ألف ألف عافيه أخوي بحر العطاء وصح السان شاعرها الرائع .محمد بن عمران الرشيدي
:p :p :p :p :p :p