[الجامع]

بسم الله الرحمن الرحيم
الحمدلله والصلاه والسلام على رسول الهدى نبينا محمد صلى الله عليه وسلم اما بعد

أشكر اخي د.عباس شديد الاميلس مدير مستوصف صفيط على ماقدمه لي من خدمات ووقوفه معي ومبادرته للمساعده لي دون اي طلب مني له

بأن يساعدني او يقف معي فاعجبت بالشخص وبشهامته وكرمه وليس بغريبه عليه المبادره ولا على الكرام امثاله وقمت بدوري كشاعر بان

اقدم له الشكر والعرفان في هذه القصيده ..............


الله يابو عبدالله يديمك ويبقيك

يرفع مقامك بين ربعك ومولاك

يالطيب اللي تفعل الطيب اياديك

الطيب يوجد عند مثلك وشرواك

يا زبن من صكت عليه الشرابيك

لا ضاقت الدنيا عليه وتنصاك

بالطيب تنصاك زملاك وبني خيك

لاوصـلتك شرهـاتهم ماتعــداك

الطيب ما تقدر عليه الصعاليك

ما تقدره باللازمة غير يمناك

وسعد منهو طول صوته يناديك

لاضاق صدره وانت غايب تمناك

هذا وانا ماني بطيبك مجازيك

تراي مديون لطــيبك بدنياك

اشكرك واشكر يالاميلس مساعيك

مشكور مني كل ما حل طاريك




أخوك الشاعر المبدع @ راشد حويط الرشيدي0508106588


والسلام عليكم ورحمه الله وبركاته

الموضوع الأصلي: اهداء خااااااااص جدا | | الكاتب: الجامع | | المصدر: شبكة بني عبس

[*العبسي*]

يســـــــــــــــــــــتاهل الطيب

وصح ألسانك لاعدمناك

[بنت العبسي]

صح لسانك ويستاهل الخير كله

[ابو عبدالعزيز]

مال الوفاء غير الوفاء صح لسانك لاهنت

[عاشق المستحيل]

صح لسانك وكل واحد فية خير يستاهل الثناء

[القاضي1]

يســـــــــــــــــــــتاهل الطيب

وصح ألسانك لاعدمناك

[مسندالعويمري]

صح لسانك وكل واحد فية خير يستاهل الثناء

[الجامع]

اخواني مشكورين على مروركم
شرفتونا
والشكر موصول لاخونا الشاعر:ـ
راشد حويط