[ماجد الذيابي]

اسبوع مر ولا وصل منـك مرسـال
يا قوو قلبك كيـف تقطعنـي اسبـوع
الجوع كافر وانت مـا ترحـم الحـال
وانا عليك مـن الولـه ميـت جـوع
ياللي غيابك صعب يطري على البـال
تركتنـي حايـر وضايـق ومفجـوع
مـا كنـي الا شايـب فاقـد عـيـال
وما كنـك الا محـرم حـق مشـروع
يفـوع لـك قلبـي إذا مـر الاطـلال
ياليت مانـي قلـب يشتـاق ويفـوع
حسبي عليك شلـون قطعـت الآمـال
بأموت لا صار الأمل فيـه مقطـوع
يا صاحبي مـا كـل نـزال رحـااال
أنت الربيع من وين ما رحت متبـوع
نسياني لـزول(ن) بالأعمـاق يختـال
اصعب على صاحبك من حبة الكـوع
لو الثمن فـي شوفتـك عمـر رجـال
كان الثمن من يوم مـا غبـت مدفـوع
ولـو القـدر مـا تـم قولـه إذا قـال
ما ضاق صدر ولا أنحنى راس مرفوع
يا صاحبي عشقتنـي فعـل وخصـال
وانا عشقتك شعر واحسـاس مطبـوع
وشلون تتركني كـذا لأشهـب الـلال
وقدام عينـي تجـف ينبـوع ينبـوع
وانا عشانـك جيـت والغيـم همـال
اسيَـل الوديـان وازاحـم جـمـووع
مـا ردنـي عنـك سواليـف عـذال
تزعل علـى ربـوع وتقـدَر ربـوع
كان المهم اعيشـك جنـون ووصـال
ويكون لي كلمـه ولـي راي مسمـوع
واليوم ضاقت بي مـن الجـال للجـال
فرقاك تقصم ظهـر وتحـز وتلـوع
لو جيت شفت الحال ما سـرك الحـال
في غيبتك ضايـق وحايـر ومفجـوع
هذا غياب اسبوع وشلـون لـو طـال
طالبك لا يطوَل غيابك عـن اسبـوع

الموضوع الأصلي: الجوع كافر وانت ماترحم الحال | | الكاتب: ماجد الذيابي | | المصدر: شبكة بني عبس