[أبونواف]

أقدم لكم قصيدة للشاعر الكبير محمد عبدالله القاضي رحمه الله..
قالها وهو في أواخر عمره ؛ عندما ألمَّ به مرض ، وتمكن منه خمس سنوات ..
القصيدة غزيرة الحكم والمواعظ..

يا محل العفو عفوك يـا عظيـم=ولطفك اللي كافـل كـل الآثـام
يا سميـع ويابصيـر يـا عليـم=يا قوي ويـا متيـن ويـا سـلام
يا حميـد يـا مجيـد يـا حكيـم=يا عزيز ذو الجـلال والإكـرام
يا عطوف يا رؤوف يـا رحيـم=جلَّ شانـه مـا يهـام ولا يـرام
بنورك اللي يوم ناجـاك الكليـم=دك سينا خـرّ موسـى ثـم قـام
مُوحـد ٌ يدعيـك بالليـل البَهيـم=وبالتخضع والتضـرع بالظـلام
خاشع لك خاضـع لـك مُستقيـم=اسألك وادعيك بأسماءك العظـام
أن تَروف بحال من جسمه سقيـم=عِلته تبراه لـه خمسـة أعـوام
داونـي بـدواك مِـن داءٍ أليـم=واشفني بشفاك يا مـن لا يضـام
من انتحالي دوك حالي حام حيـم=والمرض رض الأعضاء والعظام
مدلـه نفسـي بتدليـه العظـيـم=عن لذيذ النوم مع طيـب الطعـام
ولا لي مشكى غير للرب الرحيم=بحق السبع السمـاوات العظـام
ذا ومع ذا لـو تمـادوا بالنعيـم=فإن عمر المـرء مـرده للعـدام
كل ابن انثى ولـو طـول سليـم=لا زم ٍ يشرب بكاسـات الحِمـام
من عميم إحسانك ارحم يا رحيـم=يوم نزع الروح وإن جاها حمـام
قام يصعدهـا ويحدرهـا غريـم=في عضاه من الدماغ إلى البهـام
شاخص طرفه وريقه ريق هيـم=كل عرق بالعرق يرشـح شمـام
يوم نزع الـروح لجـنَّ الحريـم=وجضوا أهل البيت واشتغل الغلام
والشفيق اللـي يـوده والرحيـم=يستشيـن بشـان تجهيـزه قـوام
والخشب دن مع الخـام الرخيـم=وفصلولـه وزره فوقـه حـزام
ثم شالـه كـل شغمـوم حشيـم=مرجليـن معجلـيـن بالهـمـام
ووضعوه بمُوحش قبـر ٍ ظليـم=ووسدوه اللِبنَ عن ريـش النَعـام
وكشفوا عنه الغطا قبـل الهديـم=وفككوا عنه العصايب والحـزام
ورصفوا فوقه من اللِبن ِ الضخيم=وادخلـوه وودعـوه بـلا كـلام
وحـدوه بموحـش مالـه نديـم=غير ما قدم مـن أعمـال قِـدام
عند خلق ٍ بارزيـن فـي صَميـم=صامتيـن مـا يـردون السـلام
حال ما خلـوه بالبـرزخ مقيـم=جاه من ناجاه عن خمـس ٍ تَمـام
اسأله يلهمك رشـدك يـا غريـم=فـي ثباتـك للملائكـة الكـرام
وعقب هذا البعث والهول العظيم=يوم حشره يـوم نشـره للأنـام
يوم يبعث كـل ذي عظـم رميـم=في صعيد للحسـاب والخصـام
يوم نَصبـه للسـراط المستقيـم=لنسل يافث ثـم حـام ثـم سـام
حاسريـن عابريـن بـه نظـيـم=ذا يصيح وذا يطيح مـن الزحـام
وذا جريح وذا عطيب وذا سليـم=وذا يمر مرور برق ٍ في غمـام
وذا يُسرُ وذا يُجَرُ إلـى الجحيـم=وذا إلى الفردوس من باب السلام
وذا يُخلـدُ بالنعيـم اللـي مُقيـم=وذا مسيم في لظـى دوم الـدوام
كيف من ييقن بهـذا يـا غشيـم=يفنـى الدنيـا ويغـرى بالحطـام
وين ابوك وين جدك؟ يـا عديـم=وين خالك وين خِلك والعمـام؟!
ويـن شُبـان يهـدون العـديـم=ويـن شيبـان ٍ شغاميـم كـرام
صُيروا في قبورهم مثل الهشيـم=خامديـن هامديـن فـي هــدام
تبـرم الدنيـا وينقـض للبريـم=واخيرها منقضية مثـل الاحـلام
يا (أحد) يا (واحد) شانه عظيـم=يا (صمد) يا عالـم كـل العـلام
سامع فـي غِبـة البحـر البهيـم=صوت يونس يوم نادى بالظـلام
يا إلهي خـذ بيـد قلـب ٍ سليـم=عن عذابك يوم للخلـق ازدحـام
من بحر مجدك وجودك يا كريـم=نفحـة نَسعَـد بهـا دوم الـدوام
أنا دُسـت الخطايـا مـن قَديـم=طالبك صفحك وعفوك لي ختـام
الهوى والنفس أغواهـا الرجيـم=ونشر فضلك واسع ذا والسـلام
ذا وصلى الله علـى طـه اليتيـم=وآله والصَحب ما هـل الغَمـام
عدد من طـاف بالبيـت القديـم=بين زمزم والحجر هـو والمقـام

--------------------------------------------------------------------------------

الموضوع الأصلي: للشاعر الكبير محمد عبدالله القاضي رحمه الله | | الكاتب: أبونواف | | المصدر: شبكة بني عبس

[نــواف العويمري]

صح السانك والسان شاعرها

ويعطيك العافيه ياابو نواف

[أبونواف]

ويعطيك العافيه ياابونايف

على المتابعه الجميله

[ثاري الشنيني]

صح السانك والسان شاعرها

ويعطيك العافيه ياابو نواف

[أبونواف]

مشكوووور على المرور الجميل

[الاجهر]

مشكور يابو نواف
قصيدة فريدة وفعلا حوت موعظة كبيرة

[أبونواف]

مشكوووور على المرور الجميل