[رشيد]

سوالف الماضي..
==========
سـعـد الـخـريـجـي


يا شين من تعطيه كل الموده

ثم يتخلى عنك في قمة الشوق

يخلص زمان وينقلب عقب مده

ويرميك باسلوبه على كل طاروق

مثل الذي ما يوم وقفت ضده

الصاحب اللي تل بالقلب معلوق

ترى المشاعر حيل مني توده

واستغرب اللي شفت من راعي الذوق

مره اقول الوقت يا ناس حده

ومره اطالب صاحبي باقي حقوق

ما نيب اول عاشقٍ باح سده

قبلي كثير طاح من منزله فوق

محدٍ يلوم اللي غشى الدمع خده

لا صار في قلبه من الناس مخلوق

سوالف الماضي لزومٍ تشده

واذا ذكر باكر غدا الدمع مدفوق

يا أهل الهوى لا جيت في يوم ارده

عندي كرامه تقطع بقلبي عروق

الموضوع الأصلي: سوالف الماضي ... للخـريـجـي | | الكاتب: رشيد | | المصدر: شبكة بني عبس

[مقعد العتيبي]

رشيد

لله درك

قصيده مميزه ومذهله

لك خالص الود والشكر

[رشيد]

شكراً لك اخي الكريم

[عبدالعزيز بن شري]

شكراً لك اخي الكريم


على القصيده الجميله

[ابو عبدالعزيز]

شكراً لك اخي الكريم على النقل الموفق والمفيد قصيده رائعه

[سعودالرشيدي]

شكراً للتميز

[صاطي الرشيدي]

رشيد دائم مميز وصح لسان الشاعر وبارك الله فيك

[سعد البويدي]

رشيد


صح لسان سعد الخريجي


ولاهنت على النقل الرائع