[المغرم اليائس]

السلام عليكم ورحمة الله وبركاته

اخوتي عشاق الكلمة ورواد الاحاسيس اضع بين ايديكم واحدة من محاولاتي الشعرية الجاهدة

والتي آمل من العلي القدير ان تحوز على شيء من رضاكم,,,

اليــــــــكم القصيدة00


الــــف عنـــــوان

انا الذي فـي داخلـي الـف عنـوان=للبعـد والحرمـان والحـزن والنـوح
يقرى على وجهـي علامـات ولهـان=ويشاف دمعـي ياجماعـة ولا ابـوح
مشتاق انا لوصـال مخـدور الاعيـان=شوق السجين لشوفة البـاب مفتـوح
اتذكره واشـوف جـو السهـر زان=واشتاق انا لعنـاق واعتـاب ومـزوح
جاني خبر انـه مـن العـام شفقـان=حتى بمنامه صـرت انـا اجيـه واروح
ربـي يحفظـه مـن قليليـن الايمـان=ويصونـه بجاهـه وضيقاتـه تـروح
ربي يسـره ويبعـده درب الاحـزان=ويكفيه ربي عيـن حاقـد ومشفـوح
حبه سطى بقلبـي وتفجـرت بركـان=وثور مشاعر خامـدة داخـل الـروح
قدح بزنـد البعـد والشـوق نيـران=ومن الوله في ضامـري جمـر يفـوح
اباصلـك والـدرب مليـان عـدوان=واخاطر بنفسي ولـو روحـي تـروح
انـا مثـل ذكـرى قديمـة بجـدران=والا رسم ناقص مـدون علـى لـوح
ماتنفع الذكرى علـى جـدار تعبـان=مل الوقوف ومابقـي منـه مطـروح
ولاتنفع الرسمة علـى اللـوح بالـوان=لاصار هذا الشكل ناقـص وممسـوح
شريتك بروحـي وحاربـت فرسـان=ولاشلت هم الجرح لو طحت مذبـوح
انت الغلا ياصاحبـي وانـت سلطـان=ولك الوفا لو تجرح القلـب مسمـوح
من هو يبي قربي مـن النـاس غلطـان=ياصاحبـي مشريـه لوكـان مملـوح
فـي صحبتـك والله مانـي بندمـان=ولااندم على اللي عشرته لي على صروح
ياسيدي مااندم علـى عشـرة ازمـان=اندم على اللي عشرتـه يـوم وتـروح
وصفه خيال ومبسمـه جمـر شعـلان=وبرق المنايـا داخـل اعيانـه يلـوح
انا عطيتك عطف مـع روح وجـدان=عشق عفيـف ولا مشينـا لمصلـوح
قبل اعرفـك تايـه بغربـة وحيـران=ولحظة لمحتك شفت انا النور بوضـوح
قبلك نديـم الصمـت وآلام حرمـان==واحلام عمري دمها كـان مسفـوح
دامـك تمنانـي انـا بسهـر اجفـان=واصون حبك والخطا منـك مدمـوح
اسهرت انا لذكراك مليـون شيطـان=وهذا كلامي جاك في شعـر مشـروح
كتبت شعري يـوم درب السهـر زان=ابيه ياصـل صاحـب منـه مجـروح

شعر/
محمد بن حميد الذيابي00

الموضوع الأصلي: @الـــــــف عـــــنوان@؟! | | الكاتب: المغرم اليائس | | المصدر: شبكة بني عبس

[سعد الرشيدي]

قصيده رائعه

صح اللسان شاعرها

اخوك سعد

[الجـــــادل]

صح لسااااااانك أخوي المغرم اليائس

قصيدة رائعه

تقبل تحيتي

أختك الجادل

[بندر الذيابي]

احساس مرهف يمتاز بتدفق غزير من المشاعر


معاني رائعه تتجول في دواخلنا لتشعل نار الغرائز بيننا


المغرم اليائس

لن تفيك الكلمات حقك من التبجيد


صح لسانك وننتظر جديدك بكل شغف


اخوك


بندر الذيابي

[الاجهر]

اهلا المغرم

من طول الغيبات جاب الغنايم

يقولون :. من حضر ماغاب

عزيز وغالي

[المغرم اليائس]

اخي سعد الرشيدي

صفحتي كانت صحراء جرداء , لا نبت فيها ولا ماء

وبانهمار رذاذ حروفك عليها أكتست حلة خضراء


لك التحية والاحترام00

[عبدالعزيز الخياري]

مشتاق انا لوصال مخدور الاعيان
شوق السجين لشوفة الباب مفتوح
اتذكره واشوف جو السهر زان
واشتاق انا لعناق واعتاب ومزوح
جاني خبر انه من العام شفقان
حتى بمنامه صرت انا اجيه واروح
ربي يحفظه من قليلين الايمان
ويصونه بجاهه وضيقاته تروح


صح لساااااانك

يامبــــــدع قصيده في ابياتها روح الابدااااع


إلى الامام وبإنتظار جديدك

[ابوصالح]

قصيده رائعه

صح اللسان شاعرها

شكراً لك اخي الكريم