[صادق الوعد]

بـسـم اللـه الـرحمـن الـرحيـم

قصيده لشاعر زعل الرشيدي اعجبتني وحبيت انقلها لكم

أصيب في ظني بالايام واخيب
واشبه معاني واختلف عن معاني
واقف على حد الرجا والمكاتيب
وامشي ورى قلبي وانا في مكاني
من يوم ماغيب شبابي ثرى الشيب
وانا أتخيل دمعته لابكاني
ومن ضيقته الخاطر وقل الأصحاب
بان التعب حتى بنظرة زماني
لو كانت الحاجة تعرف المواجيب
ماخلت الطيب وراها يعاني
ومن كان بالدنيا قليل التجاريب
يشوف هزلات الليالي سماني
بعض القصيد أحيان نقص وعذاريب
ماله حضور ولا شعور ومواني
وبعض القصيد اليا حضرله معازيب
وان غاب اقصى غيبته بالمحاني
مثل المسافة والضما والمشاريب
نقرب وتبعدنا حدود الاماني
صراحة الطيب وشرهة هل الطيب
عندي معزتهن معزة اخواني
وياللي على الفرقا كثير المطاليب
ليتك قبل لاتروح تصبر ثواني
البعد بعد القلب .. لاشك لاريب
الحب الاول مايعوضه ثاني
وفرقا المعاند ما وراها مكاسيب
كلمة وقايلها بعظمة لساني
يجوز يقوى قلبك البعد ويغيب
لكن يبي يبطي وهو ما نساني


الشاعر ,,,,,, زعل الرشيدي



أخوكم
ذيـاب الذيابــي

الموضوع الأصلي: الحب الأول .. | | الكاتب: صادق الوعد | | المصدر: شبكة بني عبس

[النجم]

الله الله الله زعل بحر من بحور الشعر تسلم ياذياب على طرح القصيده

[صادق الوعد]

النجم

تسلم اخوي على المرور الرائع



أخوك
ذيـاب الذيابــي

[مرضي الداموك]

ألأخ صادق الوعد

مشكور على نقل القصيده الرائعه
وصح لسانك ولسان الشاعر زعل الرشيدي

تقبل تحيتي

أخوك مرضي الداموك

[صادق الوعد]

مرضي الداموك

يشرفني مرورك يالغالي ولاهنت

تقبل تحيات



أخوك
ذيـاب الذيابــي

[الزعيتري]

يعطيك العافية ومشكووووووووور

[صادق الوعد]

الزعيتري

يشرفني مرورك اخي الكريم



أخوك
ذيـاب الذيابــي

[معاندبحر]

الحب الاول مايعوضه ثاني
وفرقا المعاند ما وراها مكاسيب


شكراً لك صادق الوعد


على النقل





وصح لسانك ولسان زعل الرشيدي




















تحياتي






معاند بحر