[هداج]

هذه القصيد مرثيه لشهيد الواجب سرور بن محمد القعبوبي

الذي قتل على أيدي الفئه الضاله بمنطقة القصيم

مرحوم ياللي نزف فوق الثـرا دمـه=عطّر طريـق العمـار بقـوة إيمانـه
نـال الشهـادة بيـومٍ صـار بمهمـه=لجل الوطن تسهر عيونـه ولا خانـه
في واجبـه عنـده الأيمـان والهمـه=عنده طموح الشهـادة وسـط ميدانـه
ماحط راسه بوقت الضيق فـي كمـه=قال الوطن يرتقي في فعـل شجعانـه
وغدر به اللـي بـلا دينـاً ولا ذمـه=خان الأمانه وخـان أهلـه وجيرانـه
وخان الوطن وارضه اللي كانت تضمه=وباع أقرب الناس حتى يرضي أعوانه
الشله اللـي علـى التكفيـر مهتمـه=والكفر فيهم وهـم راسـه وشيطانـه
خوارجٍ فيهـم الحاقـد سـرى سمـه=نفث سمومه وجيرهـم علـى شانـه
وفي كل يومٍ من مطمـه فـي مطمـه=هاذي نتائـج سفيـهٍ طـاع عدوانـه
هذا ماهـو ديـن هـذا شلـة الخمـه=المسلم اللي سلم مـن يـده والسانـه
وش ذنب الأطفال واللي وسط بطن أمه=بكره عن أبوه يبغـى ينشـد أخوانـه
وش ذنب أبوه الكبير اللي نقـل همـه=اللي بكا ليـن حتـى حفيـت أعيانـه
الله يجبر صوابـه مـع بنـي عمـه=والله يجبر صواب أمـه أو ورعانـه
ويا سرور عقبك ترى الأصحاب ملتمه=انفوسهم مـن خبـر فرقـاك تعبانـه
لـو أنهـا بالحميـا نـارد الجـمـه=الكـل منـا طلـع طيبـه الـجدانـه
حنـا بواريـدنـا ماتقـبـل الـزمـه=عدونـا نضربـه مـن بيـن حجانـه
لاشـك ماعندنـا مـن نلتفـت يمـه=إلأ لفـردٍ صمـد نطلبـه غفـرانـه
الواحـد اللـي يزيـل الهـم والغمّـه=يرحم عباده بطرفـة عيـن سبحانـه
ويادارنـا عيشـي الأمجـاد بالقمـه=أرواحنا دون حفنـة رملـك ارهانـه
ومرحوم ياللي نزف فوق الثـرا دمـه=في صفحة المجد صار المجد عنوانـه

الشاعر الكبير// جمعان خلف الرشيدي

الموضوع الأصلي: مرثيه لشهيد الواجب رحمه الله ....... | | الكاتب: هداج | | المصدر: شبكة بني عبس

[ابواثنين]

الله يرحمه ويسكنه فسيح جناته
ومرثيه معبر ه والف شكر
لك اخي هداج وصح اللسان
الشاااااااااعر

[الغربي]

صح لسان الشاعر جمعان خلف
ويعطيك العافيه يابو ماجد

[ابوصالح]

الله يرحم سرور رحمه واسعه ويدخله فسيح جناته

صح السان الشاعر جمعان خلفالرشيدي

والف شكر على نقل المرثيه الرئعه خوي هداج

[الاجهر]

مشكور هداج

وكثر الله من امثالك

وهذه القصائد مهمة ومن الضروري حفظها

رحم الله شهيد الواجب واسكنه فسيح جناته

آمين

نبي نترك كلام مشذبين العراقيب = ونبي نسمع كلام مصمصمين القريحة

[صادق الوعد]

اخوي هداج

رحم الله الشهيد وادخله فسيح جناته
صح السانك والسان الشاعر جمعان خلف
مرثيه رائعه
تقبل تحياتي

أخوك
ذيـاب الذيابــي