[مقعد العتيبي]

على بحر الحدا والا على المنكوس والمسحوب=تداعبني بنات الفكر ومواجي تداعبها
حسب نسج الخيال المتسع وأطلسم المكتوب=وأهيم بحورها ماهزني غبة غياهبها
ولو أن الثمان بحور عجّزت تطفي اللآهوب=خليجي بأكمله عجّزت بحوره صد لآهبها
وابا سوق المطيه لين تبدي عالي المشذوب=تزرفل بالحموله والحبل من فوق غاربها
على درب القصيم ولآلها غير القصيم دروب=علشان الرجال اللي توجبني ووجبها
تسلمها رساله مادبى من فوقها الدبدوب=رساله مبهمه مابين قاريها وكاتبها
بدايتها تحيه مع سلامٍ يكشف المحجوب=سلام الله على محمد عدد مبدا كواكبها
سلام الله سلامٍ يبتهج من مبتداه قلوب=وريح المسك والكادي محيطاته تعجبها
على صفحة وفا والعازمي لهل الوفا منجوب=تسلسل من عطا والطيب حبله جاك جاذبها
رحالٍ تنهي الديان والطالب من المطلوب=لحاها فالمواقف تحتمي موقف شواربها
واقول الشعر أله عندك مكانه عاليه وسلوب=كسبت النادره والنادره عادتك تكسبها
يانبراس القوافي يامجمّل وجهها المشحوب=بعث الروح وسطه وانتزعته من نصايبها
على غيرك ماسقت القاف وانته للشعر منصوب=اسوقه للفهيم وجاهل الناس أتجنبها
أعشق الطيبه والطيبه عن سوقها ماتوب=ولاحرّك شعر راسي هواميرٍ تحيط أبها
ذكرت اللي ذكرته وابتدا مشوار ابو يعقوب=سنا شمس الحقيقه تعجز الانذال تحجبها
بلشنا في قضيه تنتفض منها دول وشعوب=قضيه مابلش فكري يترجمها ويعربها
جمال البدو في حكمة بعير البدو ابو لغبوب=وابو لغبوب مايدري بمشرقها ومغربها
عطوه اخطامها وخطامها من حقدها مكروب=تحت عين وهدب ساعة غضب للضد يقلبها
مسلسل بس متهلهل ولا مراقب ولا مندوب=سفينه والرياح العاتيه قامت تموج ابها
ثياب الظلم والبهتان منها يصرخ الدالوب=صريخ الضلم يبقى لو ثياب الظلم يقلبها
تحالف مع توازر والتحالف مايفيد الطوب=صحيح ان الذنوب معلقه في عنق مذنبها
نشدتك يامحمد قلت فنجال العرب مشروب=ليا حمي الوطيس وشبت الفتنه شبايبها
صبرنا يامحمد فالليالي مثل صبر ايوب=وضاقتبه قصيم الخير مع نجد ومناكبها
مطيه والمطيه ديسها يالعازمي محلوب=على خمس الاصابع طاوعت مع غير حالبها
يابين السم في كوب العسل لو غيرو فالكوب=ومهما صار تبقى اهل المناصب في مناصبها

الموضوع الأصلي: رساله موجهه للزميل والشاعر00محمد مريبد العازمي | | الكاتب: مقعد العتيبي | | المصدر: شبكة بني عبس

[الاجهر]

حياك الله يالشاعر / مقعد العتيبي قصيدة رائعة بكل المقاييس من رجل متمكن وانشاء الله عليها الشاعر / محمد مريبد ونسعد بردة عليك كما سعدنا بتصفح قصيدتك الجزله
تحياتي لك

[ابوصالح]

صح السانك يامقعد على القصيده الوافيه
ونت تقدر على طيبه ومحمد يستاهلها
شكراً لك اخي الكريم

[ابن سعيد]

صح لسانك

يا أخ مقعد

إن شاء الله محمد العازمي يرد عليك

[سعد الشقل]

صح اللسانك علىى القصيده الرائعه

[عيسى المويسه]

الشاعـر / مقعد العتيبي


صــح السانك

قصيــدة وافيــه وجزلـــه

لاهنت

وانشاء الله نشوف رد الشاعر الرائـع /محمد مريبد العازمـي



حياك الله وتشرفنـا بتواجدكـ



...

[مسندالعويمري]

الشاعـر / مقعد العتيبي


صــح السانك

قصيــدة وافيــه وجزلـــه

لاهنت

وانشاء الله نشوف رد الشاعر الرائـع /محمد مريبد العازمـي



حياك الله وتشرفنـا بتواجدكـ

[مبارك الشويلع]

صح لسانك يالعتيبي

وبن مريبد يستاهل كل خير


ولاهنت


ننتظر جديدك الجزل المفيد




وتقبل فاااااااااااائق احترامي وتقديري