[المخمليه أنا]

السلام عليكم ورحمة الله..من أجمل المعزوفاات الشعريه..رااقت لي .. فنقلتها لكم..ولكم الحكم..ولذائقتكم.
~~~~~~~~~~~~~~~~~~~~~~~~~~~~~~~~~~~~~~~~~~~~~~
‏بين القصيد وبين مفهوم الابداع
لوحة فكر تظهر بصوره بديعه

كثر التجارب علمتنا بالاقناع
آن الاحرار تروس ماهي تبيعه
‏الطبع يغلب مايفيد التطباع
غيّر جبال ولاتغّير طبيعه

رجلن ليامنه فزع يفزع بساع
ورجلن على الفزعه تقل فيه ميعه

‏المرجله يبغالها لسان وذراع
لاتشتم العالم بليا ذريعه

مانقبل العيله لوصدورنا وساع
ولانطوف الزله لاصارت شنيعه

‏خل اللكاعه وش تبي بالتلكاع
بذات لاجيت الرجال اللكيعه

اقضب لسانك عن مدورة الاطماع
ماكل علمن لاسمعته تذيعه

‏النفس آماره والانسان مطواع
بس العقل ماكل شين يطيعه

تجارب الاجواد تشرى وتنباع
بس الظفر بالتجربه مانبيعه

‏لاصرت راس و ساس لاتنزل القاع
اكفخ جناحك في علو الطليعه

محدن كسب حب الاوادم بالاجماع
حتى الرسول اللي هدى ل الشريعه

‏لاتبلش بعمرك ترى العالم انواع
والناس يامتواضعه ياوضيعه

لاتحتري من ناقص الراي الاسناع
من شاور الغاوين يبشر ب ضيعه
‏خلك مع الاجناب محزم وفزاع
وخلك ل بن عمك حصونن منيعه

وليا لحقك الضيق من بعض الاوضاع
هلل وكبر ودع ربك وطيعه

لافي عبدالعزيزأبالعوون

الموضوع الأصلي: مفهووم الأبدااع | | الكاتب: المخمليه أنا | | المصدر: شبكة بني عبس

[أبو غيث]

نقل وإختيار رائع جداً

نشكرك على هذه القصيده الأكثر من رائعه........

[أميرة البنات]

مسسسستتتهللكه القصيده ومضمونهاااااا



رجلن ليامنه فزع يفزع بساع
ورجلن على الفزعه تقل فيه ميعه

‏المرجله يبغالها لسان وذراع
لاتشتم العالم بليا ذريعه

مانقبل العيله لوصدورنا وساع
ولانطوف الزله لاصارت شنيعه

‏خل اللكاعه وش تبي بالتلكاع
بذات لاجيت الرجال اللكيعه






~ مااااشوف انووو شعر ولا يمثل الشعر ....

[الشاطئ المهجور]

تجارب الاجواد تشرى وتنباع بس الظفر بالتجربه مانبيعه

عزالله اذا شريت مابعت >>>

صارت التجارب سلعه نبيع ونشتري فيها

<<< عاد مدري عنكم

صح الله لسان شاعرها تسلم يد ناقلها

تحيتي لكم جميع

وفقكم الله لما فيه الخير يارب