[عبدالعزيز الخياري]

السلام عليكم ورحمة الله وبركاته

أخواني أعضاء وزوار شبكة بني عبس منتديات قبائل بني رشيد

نبارك جميعا للشاعر ليلان حامد القعبوبي الرشيدي وهو شاعر مسجل في شبكة عبس باسم ليلان الرشيدي بمناسبة فوزه في المسابقه الشعريه التي وضعها الامير عبدالعزيز بن سعود ((السامر)) وقد فاز الشاعر ليلان في المسابقه واعلنت اسماء الفائزين في قناة الساحه

الف الف الف مبروك للشاعر ليلان الرشيدي شاعر غني عن التعريف وإليكم مقتطفات من شعر هذا النجم :

محتاجني بس أنا أكثر واحد أحتاجـك=جيتك بوقت تشاركنـي مـع ظروفـه
من حالتي لا تواخذني علـى احراجـك=ماجيتك الا بحـال مثـل مـا تشوفـه
لاتقول مزعج وأنا يعجبنـي ازعاجـك=وان قلت ملقوف ناس الحب ملقوفـه
ما هو خساره فرحك وفلة احجاجـك=والكلمه اللي مابيـن النـاس مالوفـه
يالطرقي اللي ظميت ان كنت هداجك=اكسر ظماء الوقت كان اشتدت اصيوفه
الورد عندك سجين وينطـر افراجـك=خله تفرعن زهـوره نفسـي أشوفـه
وين أنت وين الحرير ويـن ديباجـك=واللول والـدر والمرجـان مرصوفـه
عندك وتشكي وفاك وتسكن أدراجـك=خله يبيـن الذهـب وتميـز أوصوفـه
أما أنت تاج الذهب والا الذهب تاجك=هي لمعة من بهـى خـدك ومكشوفـه
بينك وبيـن القمـر يحتـار هراجـك=ياقطعةٍ مـن جبيـن البـدر مخطوفـه
غياهب أليم تدفعنـي بهـا أمواجـك=وارسي على أصداف والمحار مصدوفـه
والليل غطى ضفاف البحر واسراجـك=والمد والجزر يهـدى ماهـدى خوفـه
والجرح طول مداه وطـول اعلاجـك=واذا استمـر النهايـة منـك معروفـه
أثلجت صدري وعارض نومي اثلاجك=والحلم يعبر ولاغيـرك مـع اطيوفـه
واذا ضواك المساء واحترت بأبراجـ=كأنا لك البـرج الأول يـأول اضيوفـه
مشاعر ترجمت عن طيـب منهاجـك=فوق الورق سجلت لك كـل معزوفـه
ولا عاد تسئل تقول أيش آخر انتاجك=ان مرك اسمي تهجه وأكتـب حروفـه

وقصيده اخرى:

عسى الله يصبرني لــمدة شهر واسبوع=على شأن ابنسى واحد(ن)طول اغيابه
لو ان الفراق اللي حصل ماوراه رجوع=انا عارف اللي ينتظرني من اسبابه
ظروف(ن)وراي ومن وراه الامل مقطوع=ظروف(ن)تخلي صاحبه يفقد اعصابه
لعله يمر بظروف حرجه مثل هالنوع=على شأن يعرف بعدها قيمة اصحابه
من المستحيل ايناسبه غيرهالموضوع=مدام الطريق اللي فتح ماقفل بابه
لوانه يطيع الرأي يمدي مشالي طوع=على كثر ماكنت انصحه واتوصابه
لكن اختلاف الرأي في داخله مطبوع=قبل لانفيده كان له رأي(ن)اولىبه
طريق(ن)جمعنا وابتدأ بعده المشروع=يوديه عني ساعة(ن)مثل ماجابه
ولافيه بعده غير اقول الشعر ممنوع=أخافه يحسب اللي كتبته على احسابه

فنبارك جميعا للشاعر القدير ليلان الرشيدي بمناسبة فوزه في هذه المسابقه

الموضوع الأصلي: الف الف مبروك للشاعر ليلان الرشيدي | | الكاتب: عبدالعزيز الخياري | | المصدر: شبكة بني عبس

[سعد الرشيدي]

الف الف مبروك

للشاعر القدير ليلان الرشيدي

خبر سار وهو يستاهل شاعر مبدع

الاخ عبدالعزيز الخياري

اشكرك

اخوك سعد

[عبدالعزيز الخياري]

اقتباس من مشاركة سعد الرشيدي الف الف مبروك للشاعر القدير ليلان الرشيدي خبر سار وهو يستاهل شاعر مبدع الاخ عبدالعزيز الخياري اشكرك اخوك سعد

لاشكر على واجب اخوي سعد

وابن قعبوب يستاهل كل خير

[شاعر الثقلين]

ألف ألف ألف مبروك وجعل هالمسابقه مفتاح له لكل خير






تقبلو تحياتي


شاعر الثقلين

[بدرالبدر]

مشكور ياعبدالعزيز على الخبر وفقك الله

ابن قعبوب يستاهل وشاعر غني عن التعريف

والله يرفع قدره ومن فوز الى فوز

ونتمنى له التوفيق

[الاجهر]

مبروك الف مبروك
مشكور اخي عبدالعزيزعل الخبر

[عبدالسلام المهيمزي]

الف مبروووووووووووووووووووووووووووووووووووووووووك


يستاهل شاعرنا "ليلان"

ومن اعلي الي اعلي ان شاء الله

[سلطان العايضي]

الف مبرووووووووووووووووووووووووووووك

لشاعر ليلان الرشيدي