[رويشد]

السلام عليكم ورحمة الله وبركاته

وأن شاء الله ان الجميع بخير وكل عام وانتم بخير

يا أصحابنا نادوا على وضاح = والا العراقي طيب السيره
والا المعزب كاسب الارباح = اللي يعرفونه هل الديره
والا على اللي ثابت ٍ ما طاح = العمده اللي صعب تغييره
وأنا رويشد للعدا نطاح = لو راح ماتلقون أحد غيره ههههه
غبنا وجينا والقلوب صحاح = وأهل الوفا ماتجحد الجيره

[/quote]

الموضوع الأصلي: غبنا وجينا والقلوب صحاح | | الكاتب: رويشد | | المصدر: شبكة بني عبس

[الوآآفي]

صح السانكـ
ومن طول الغيبات جاب الغنايم
عودً حميدً يارويشد
وآخر الغيبات أن شاءالله

[عقيل الرشيدي]

هﻻ ومرحبا وصح لسانك
غبتم وجيتم مرحبا ومسهﻻ والحمد لله على السلامة وومن طول الغيبات جاب الغنايم :)

[حمد البارقي]

يالربع تكفون فكونا من القصائد هذا ميدان محاوره

وانت ياخوك يارويشد وش ترجى من رد وضاح كل ردوده خثاريق تدبل الكبد له 10 سنين يقصد ماانحفظ له بيت واحد ههههههه لكن خله عنك

[الشاطئ المهجور]

حياك الله يارويشد مرحبابك

[رشيدي بريطاني]

رويشد من وجهة نظري
اشوف البيت الثالث
الشطر الأول
غير موزون

ويمكن اكون مخطي وغنيتها بلحن ثاني

والحمدلله على سلامتي وسلامتك يارويشد
والمحل محلنا وحنا هل الديره ههههههه

[رويشد]

اقتباس من مشاركة الوآآفي صح السانكـ ومن طول الغيبات جاب الغنايم عودً حميدً يارويشد وآخر الغيبات أن شاءالله

صحت ابدانك يالوافي والله يرفع قدرك ويعز شانك

[رويشد]

اقتباس من مشاركة جديدشاعر هﻻ ومرحبا وصح لسانك غبتم وجيتم مرحبا ومسهﻻ والحمد لله على السلامة وومن طول الغيبات جاب الغنايم :)

تبقى وتدوم ياصديق صديقي هههههههههههههه
والله يسلمك من النار وابشر بالغنايم