ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
رشيديات ( شعر )
.
شف لي معك بالهوا صرفة ودبرني ............ فيصل الباهلي 000000 ياكثر ما ينشغل بالي على حالك مع انك انسان لاهي ما تعبرني صغرت في عين غيرك والكبر فالك من كثر ما سأل عليك ، الله يكبرني ما تحترم جيتي لا جيت في بالك مدري وش اللي على طبعك مصبرني! تطيح ما فيه غيري واحدٍ شالك أرجوك لا من نفضتك لا تغبرني ما عاد متن الغلا يقدر على احمالك شف لي معك بالهوا صرفة ودبرني ما ودي اوطى على قلبي من اهمالك لا صرت مكره علي بالحب خبرني ما نيب هالك ترا لارحت في حالك ابنكسر ، بس ابلقى من يجبرني
|
|
|
|
|
بارك الله جهودك وبالتوفيق
|
|
|
.
جِيت ابتدي وابتديتْ بآخِر الآخر جيت انتهي وابتدا باحْلَى طُواريقه زولٍ سَرَقْني من اوراقي وانا مْسَافر بأوَّل خيالات حلم صعْب تَحْقيقه شاعِرْ.. أو انْسان أو إنسان مع شاعِر اثنين والحُبّ فيهُم صعب تَفْرِيقه مرَّوا على ضحكتي بالمنطق الساخر من علَّم الطير لامن ضاق تحليقه؟! قلت الألم وضحكوا.. قالوا من الآخر قلت الذي لا كتب.. يكتب من الضيقه ومن بعدها صرت ما كني أبد ناصر لا الشعر شعري.. ولا زانت طواريقه نِشْرب من الهم همّ ونرجع نفاخر وعلى الورق نرسم الدنيا بلا ضِيقه وانا الذي حالتي تصعب على الكافر مجبور بالصبر لو الصبر ما اطِيقَه - الشاعر: ناصر السبيعي .
|
|
|
.
الليل ما مل التعب في حياته دايم يشيل الصبح ما تعبت ايديه يا حظ منهو بالمحبه سواته لا من خذا شيٍ من الحب يعطيه أخو المها ولاّ المحاسن خواته لي خافقٍ عنده وليته يراعيه في ضحكته عمر النهار ومماته لين اجتمع صبح السنا والشفق فيه أهواه من كله لسكر نباته ويشتاق له بالبعد لا غاب طاريه فالعين ليلٍ قد ظلم فيه ذاته الله يجازي رمشه الحسن يكفيه ما فيه شيٍ بالحسن قلت فاته اللي خذا كل الحسن في مواريه التيه يحكي لا سرح في سكاته ولا من حكى فحروف صمتي تخاويه لين التفت كن السنين التفاته والعمر كلّه واقفٍ في ثوانيه من كثر ما احب الحكي في صفاته دايم معي واكذب علي ثم اناديه - الأمير الشاعر/ د. سعود بن عبدالله .
|
|
|
الشوق دمعاته تواسي حنيني
 اول وقلبي لك من اعوام شفاف واليوم ما ودي جروحي تبيني تقول طمني عسى ما بك خلاف واكذب عليك أمن الغلا يا ضنيني وأقول طيب دون ضيق وتكلاف وانا بسجن الهم عقبك سجيني وسادتي جرح الغلا والعنا الحاف والشوق دمعاته تواسي حنيني يأخذني الهوجاس في كل مشراف واخفيت همي بين قلبي وبيني في داخلي يسكن من الهم أصناف موزعه ما بين قلبي وعيني الصدر ضايق والحشا صابه اجحاف والله على هم الليالي يعيني - عبدالله داود العصيمي التميمي .
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| رشيديات ( صـوووور ) | رشيد | منتدى الصوروالفيديو والسفر والسياحه | 43 | 07-04-2016 01:04 AM |
الساعة الآن +4: 04:42 AM.
جميع الحقوق محفوظة شبكة بني عبس
