[أبونواف]

ياغايبه وان كان فيها جماله=تجمّلي ياام الحلا والظفاير
بالله شوفي صاحبك كيف حاله=شوفيه في غيبتك وشلون صاير ؟!
صارت حياته ضيق خلق وبطاله=هم وسهر واوراق شعر وزقاير!!
يعني حبيبك صار حالته حاله=ماباقي الا انه يدن العباير
الله لامنه ذكر مامضاله=قبل الدواير ماتجر الدواير
يوم الطفوله والشقا والجهاله=يوم الصغاير في عيونه كباير
ايام كان معانده راس ماله=ويسوق لهبال الشقاوه بشاير
ياما امتلى بالحب والطيش باله=وياما امتلت من شخبطته العواير
يكتب عليها : ( عاشقك للثماله )=ويخط توقيعه : (جريح الضماير )
ياما اشتكاه ابوك في بيت خاله=وياما تحصّل من هواك العزاير
مره حلف بأنه يبّطل هباله=وقبل يكمّل .. فك اخوهالستاير
ثم طالع الشباك.. لينك قباله =وفي اقل من لمح البصر جاك طاير
على صغر سنه ممّيل عقاله=كاشخ وناسي لايصك الزراير
لاشافك يتمتم لحاله وبحاله :=لعيون هالشوفه تهون الخساير
ولاشاف زول ابوك حذّف نعاله=الحب جايز .. لكن العود جاير
طفلٍ يتيم ورغم الاحزان داله=مايدري ان حظه مع الوقت باير
كنتي طموحه كنت اغلى حلاله=كنتي وصرتي بس يا ام الظفاير
طفلٍ زرع من ضحكتك في خياله=لين اثمرت شعرٍ هزاله حراير
لاتتركينه في غيابك لحاله=بالله شوفي كيف هالطفل صاير
ووحده بوحده كان عندك عداله=اتبّطلي غيبه وابطّل زقاير

منقوووووووووول

الموضوع الأصلي: ((ياغايبه وان كان فيها جماله)) | | الكاتب: أبونواف | | المصدر: شبكة بني عبس

[سعد بن عادي]

نقل مميز يا ابو نواف لا هنت والله

[أبونواف]

مشكور اخوى/ ســــــعـــــــــد
على المرور

[سعد البويدي]

ابونواف

صح لسان شاعرها

ولاهنت على النقل المميز

ولك تحياتي

[هـآوي]

صح السانك وسلم بنانك اخوي على هذا الا ختيار الموفق
تقبل مرور
;)

[نواري]

شكرا ابو نواف ويعطيك الف عافية وصح لسان الشاعر

[أبونواف]

مشكورين على المرور

[ابوعالي الرشيدي]

اخووووووووووووي ابو نواف


لاهنت على نقلك المميز


وقصيده رائعه وجميله


تقبل مروري